သင်ရောမှတ်ကျောက်တင်ခံနိုင်ပါရဲ့လား ELEVEN MEDIA

---

ယမန်နေ့ညနေပိုင်းက ဖြစ်ပါသည်  Voice Of Myanmar တွင်အက်ဒမင် အလုပ်ကူညီလုပ်ကိုင်ပေးနေသောကျွန်ုပ်၏ တူတော်မောင်လေးသည် မိုးရွာကြီးထဲတွင် ရေးကြီးသုတ်ပြာ ဆိုသလိုရောက်လာပြီး...

" ဆရာရေ..ခုတစ်လော ပြည်တွင်းထုတ်မီဒီယာတွေမှာ အသံအတော်စွာလာတဲ့ မီဒီယာအုပ်စုကို ပြပါဆိုရင် ELEVEN MEDIA GROUP ကိုပြရတော့မှာပါပဲ.... ၊ အစိုးရဘက်ကနည်းနည်းလေး အားနည်းချက် မပေါ်လိုက်နဲ့ ပေါ်လိုက်တာနဲ့ ELEVEN ကိုဘာမှတ်နေသလဲ ဆော်လိုက်မယ် ဆိုတဲ့ပုံစံမျိုးနဲ့ လုပ်နေတာများနေပါပြီ ၊ လက်တွဲဖေါ် အခြားမီဒီယာများနှင့်လဲ အဆင်မပြေပဲ သူကလွဲရင်ကျန်တဲ့ မီဒီယာတွေဟာ..အစိုးရနောက်လိုက်တွေ ၊ သတ္တိမရှိတဲ့မီဒီယာတွေ ၊ သူကတော့ဒီမိုကရေစီလိုလားတဲ့ တစ်ခုတည်းသော မီဒီယာပုံစံမျိုးဖမ်းနေတာများနေပါပြီ " ဟုအဆိုင်းမတွပြောလေသည် ။

'ထိုင်စမ်းပါဦးမောင်ရင်ရာ...မင်းကြည့်ရတာ တစ်ခုခုဖြစ်လာပြီထင်တယ် ၊ ဘာတွေဖြစ်လာပြန်ပြီလဲ.. '  ဟု ကျွန်ုပ်ကမေးသောအခါ သူက

" ဖြစ်လာတာမဟုတ်ဘူးဆရာရေ..ဖြစ်နေတာ ခုအစိုးရသစ်ရဲ့ ပြုပြင်ပြောင်းလဲရေးတွေအတော် ခရီးပေါက်နေတဲ့အချိန် ၊ ပြည်သူတွေလဲ အစိုးရနဲ့ဆက်ဆံရတဲ့အပိုင်းတွေ ရုံးလုပ်ငန်းတွေမှာ အဆင်ပြေမှုလေးတွေစရလာတဲ့အချိန် မှာELEVEN MEDIA က အစိုးရနဲ့ ပြည်သူကိုတိုက်ပေးတဲ့ သတင်းတွေ ဆက်တိုက်ထည့်နေတယ် ၊ အစိုးရနဲ့ပြည်သူတွေကြား ပဋိပက္ခကြီးသ ထက်ကြီးအောင်လုပ်နေတယ် ဆရာ..ခုနောက်ဆုံးတော့ ဧရာဝတီပေါ့ဆရာ လျှပ်စစ်ဝန်ကြီးရဲ့ပြောကြား ချက်တွေထဲက အားနည်းနေတဲ့နေရာတွေကို ခုတုံးလုပ်ပြီး အယ်ဒီတာချုပ် ဝေဖြိုးတို့ ၊ စီအီးအို ဒေါက်တာသန်းထွဋ်အောင် ၊ MD ဒေါက်တာသိန်းမြင့်တို့ဟာ လူစွမ်းကောင်းကြီးတွေလုပ်ပြီး အစိုးရကို ထိပ်တိုက်ရင်ဆိုင် လာတယ်ဆရာ..အစိုးရတာဝန်ရှိသူတွေကို စိတ်ပျက်တဲ့ အကြောင်းတွေ ပေါ်ပေါ်တင် တင် ဖေါ်ပြလာသလို အစိုးရတာဝန်ရှိသူတွေကို ဆဲရေးတိုင်းထွာထားတဲ့ ကော့မန့်တွေကိုတောင် သူတို့ ရဲ့ အွန်လိုင်းစာ မျက်နှာတွေနဲ့ ဖေ့စ်ဘုတ်စာမျက်နှာတွေမှာဖေါ်ပြပြီး မထေမဲ့မြင်ဆိုသလို လုပ်နေ တာတွေ တွေ့ရတယ် " ဟု သူ၏စိတ်တွင်ခံစားနေရသမျကို မျက်နှာအမူအရာမျိုးစုံနှင့် ပြောလေသည် ။

"အစိုးရကလျော့ပေးတာတွေများလာတော့ ငါတို့ကိုအစိုးရက ဘာမှလုပ်ရဲမှာမဟုတ်ပါဘူးကွာဆိုပြီးခေါင်းဝင် ကိုယ်ဆံ့ ဆိုသလိုလုပ်နေတယ် ၊ ရလေလိုလေအိုတစ္ဆတွေလို့မောင်ရင်ကဆိုလိုချင်တာလား..."ဟု ကျွန်ုပ် ကပြန်မေးသောအခါသူက -

" ဒါကတစ်ပိုင်းပေါ့လေ... နောက်တစ်ပိုင်းက ဒါကိုကြာကြာလွှတ်ထားရင် အမှိုက်ကစပြဿဒ် မီးလောင်ဆိုသလို ပြည်သူနဲ့ အစိုးရကြားပဋိပက္ခတွေ ကြီးလာမှာသိပ်ပြီးစိုးရိမ်တာပဲ ဆရာရယ် ..၊ ဟု စိတ်မချမ်းမြေ့စွာပြောပြီးဆက်တိုက်ဆိုသလို ပင် ဆရာပဲကျွန်တော်တို့ကိုမကြာခဏ ဆိုသလိုပြောဘူး တယ်လေ...လောကကြီးမှာ Balance ဆိုတာရှိတယ် တစ်ခါတစ်လေ လောကကြီးက Balance လုပ်တာသိပ်ကြာနေရင် ကိုယ်က လောကကြီးကိုယ်စား Balance လုပ်ပေးရမယ်ဆိုတာလေ...

မောင်ရင့်ကို ဘယ်သူကများတားနေလို့လဲမောင်ရင်ရာ..မောင်ရင်လဲ Ph.D တွေ ဘာတွေတောင်ရပြီးနေမှပဲ  လုပ်ပေါ့ကွာ.. ဟုကျွန်ုပ်ကပြောလိုက်လေ၏ ။

ဒီလိုအင်အားကြီးတဲ့မီဒီယာကြီးကို ကျွန်တော်က ဘယ်လိုတိုက်မလဲဆရာ သူတို့မှာလူအားငွေအား တပုံတစ်ပင်သာတယ်မဟုတ်လားဆရာ...ဟု အားလျော့သည့် အမူအယာဖြင့်ပြောပြန်လေသည်..။

စစ်တိုက်တဲ့နေရာမယ် အင်အားကြီးတာငယ်တာဟာ အဓိကပေမယ့် အဓိအအကျဆုံးတော့မဟုတ်ဘူး တိုတိုရှင်းရှင်းပြောရရင် တစ်ဘက်ရန်သူရဲ့ နိုင်ကွက်ကို အချိန်ကိုက်တိုက်ခိုက်နိုင်ခြင်းသည်သာလျင် ပဓာနဖြစ်တယ် ... လာ..လာ ၊ ဟုပြောရင်း ကျွန်ုပ်၏ ကွန်ပြူတာရှိရာသို့ ကျွန်ုပ်၏ တူတော်မောင်ကို ခေါ်ကာ ELEVEN MEDIA ဆိုသောဖိုင်တစ်ခုက်ုဖွင့်ပြီးလျင် ...History ဆိုသောဖိုဒါတစ်ခုကိုဖွင့်၍ "  ဒါ..ဒီနေ့သိပ်နာမည်ကြီးနေတဲ့ အလဲဗင်းမီဒီယာရဲ့ သမိုင်းကြောင်းပေါ့ကွာ..

ဒီထဲမှာ သူတို့အလဲဗင်းဟာ အရင်ထောက်လှမ်းရေး ရဲ့ထုတ်ဝေခွင့်နဲ့  ၊ မင်္ဂလာဒုံက လေ(၂) ဆိုတဲ့ထောက်လှမ်းရေးတပ်နဲ့အကျိုးတူထုတ်ဝေခဲ့တာကနေစပြီး ဒီနေ့ အလဲဗင်းဆိုတာဖြစ်လာတဲ့အထိ အကုန်ပါတယ်  ၊ ဒီပုံက အရင်သူတို့ဘုရားလိုကိုးကွယ်ခဲ့ကြတဲ့ ထောက်လှမ်းရေးက ဗိုလ်မှူး ကြီးတင်လှဆိုတာပေါ့  စစ်တိုက်တော့မယ်ဆိုရင် ရန်သူရဲ့အကြောင်းကိုသေသေချာချာသိဘို့ လိုတယ်မဟုတ်လား..."

" ဟောဒီဖိုဒါကတော့ ELEVEN ရဲ့ငွေကြေးအခြေအနေကိုဖေါ်ပြထားတဲ့ ဖိုလ်ဒါကွ..အလဲဗင်းရဲ့ထိပ်ပိုင်းခေါင်းဆောင်တွေမောက်မာမှုကြောင့် အလုပ်ထွက်လာတဲ့ ကလေးတွေဆီက ယူထားတာပါ..ဒီစာရင်းဇယားတွေကိုကြည့်စမ်း စတုတ္ထမဏ္ဍိုင်ဆိုပြီး ပြည်သူကို အသံကောင်းဟစ်နေ တဲ့မောင်ရင်တွေ ပြည်သူတွေဆီက အပတ်စဉ်သန်းပေါင်းများစွာ အမြတ်ယူနေတာကို ဖေါ်ပြနေတယ် ..ဒီဘက်ကဟာက အစိုးရကိုအခွန်ဆောင်တာတွေ ..ကြည့်..ဒီအနီရောင်တွေက ကိုယ့်မှတ်ချက်တွေ ဒီမောင်တွေ အခွန်ဘယ်လောက်ရှောင်ထားသလဲဆိုတာ.. အစိုးရကိုဥပဒေလိုက်နာဘို့ပြောနေ တဲ့မောင်တွေက ဥပဒေမလိုက်နာဘူး စာရင်းလိမ်တွေနဲ့ အခွန်ဆောင်နေတယ်  တနည်းအားဖြင့် တိုင်းပြည်ကိုညာနေတဲ့သူတွေ ၊ သူခိုးတွေဆိုတာဖေါ်ပြနေတယ် "

" ဒီဖိုဒါ(folder) ကတော့ အစိုးရ၀န်ကြီးတွေ ခေါင်းဆောင်တွေ ဘယ်လိုချမ်းသာပါတယ်ဘာဖြစ်တယ် ညာဖြစ်တယ် ဆိုပြီးသူတို့ကဘဲ ပြည်သူတွေနဲ့အတူဆင်းရဲနေသလိုလို ပြောနေတဲ့သူတွေ ဘယ်လောက်ချမ်းသာနေတယ်ဆိုတာဖေါ်ပြထားတဲ့ဖိုင် ဒီအထဲမှာအကုန်ပါတယ် ပါစင်နယ် နဲနဲဆန်လို့ မောင်ရင့်ကို အကုန်မပြတော့ဘူး..ဒီမှာက ဒီအလဲဗင်းမီဒီယာကလူတွေ ပိုင်ဆိုင်တဲ့အခြားလုပ်ငန်းတွေ နဲ့ အထောက်ထားဓါတ်ပုံတွေ ၊ ဒါကသူတို့ခလေးတွေ ဘယ်လိုနေတယ်ထိုင်တယ် ၊ ဘယ်မှာပညာသင်တယ်ပေါ့ အကုန်ပါတယ် ..ဆိုချင်တာက တာဝန်ရှိသူတွေနဲ့ပေါင်းပြီးချမ်းသာနေတဲ့သူတွေထဲမှာ ဒီလူတွေလဲပါတယ် သူတော်ကောင်းလုပ်နေ လို့မရဘူးဆိုတာပြောချင်တာ "

" ဒီဖိုင်ကတော့ မောင်ရင့်ကိုဖွင့်မပြတော့ဘူး..ဒီထဲမှာ မောင်ရင်ခုနပြောနေတဲ့ သန်းထွဋ်အောင်တို့ ၊ သိန်းမြင့်တို့ရဲ့ အကျင့်စာရိတ္တ ဘယ်လောက်ချို့ယွင်းခဲ့လဲ ၊ ချို့ယွင်းနေဆဲလဲဆိုတာကို ဖေါ်ပြနေတဲ့ ဓါတ်ပုံတွေပါတယ်၊ ဖေါက်ပြန်နေတဲ့ပုံတွေပါတယ် ၊ အရင်အစိုးရလက်ထက်ခေါင်းဆောင်တွေကို ရော အခုအစိုးရတာဝန်ရှိသူတွေကောကို  အစည်းဝေးတွေမှာတစ်တစ်ခွခွတုတ်ထားတဲ့ အသံဖိုင်တွေပါတယ် ၊ ထားပါတော့ တခြား ဖိုင်တွေအများကြီးပါတယ် ..ဒီဖိုင်ဟာ ELEVEN MEDIA ကြီးတစ်ခုလုံးကိုဗုန်းဗုန်းလဲသွားစေနိုင်တယ် ..ဒါကြောင့် သူတို့မိသားစုတွေပြိုကွဲကုန်မှာ အလဲဗင်းမီဒီယာကို မှီခိုနေရတဲ့ ရာနဲ့ချီတဲ့ဝန်ထမ်းတွေရဲ့မျက်နှာကို ကြည့်ပြီး မလိုအပ်သရွေ့မသုံးဘူးလို့ စိတ်ပိုင်းဖြတ်ထားတယ် ..မလိုရင်မသုံးဘူးဆိုတာ လိုရင်တော့သုံးရမယ်ဆိုတဲ့သဘောပေါ့မောင်ရင်ရာ...   "

ကျွန်ုပ်ပြသသည်များကိုကြည့်ပြီး အားတက်သရောဖြစ်ကာ..ဆရာရယ်.စုံလှချေလား များလှချေလားဗျာ ဘာလို့များဒီလောက်အသေးစိတ်တွေလုပ်ထားတာလဲ..သူတို့နဲ့ဆရာ အာဂါတ တွေဘာတွေများရှိလို့လား ဆရာ..ဟုမေးပြန်လေသည် ။

သူတို့နဲ့ဘာမှရန်ငြိုးရန်စတွေမရှိပါဘူးမောင်ရင်ရာ.သူတို့ကို ပုဂ္ဂိုလ်ရေးအရ တိုက်ခိုက်ဘို့လဲအစီအစဉ်မရှိ ပါဘူး..ဒါပေမယ့်ဒီလူတွေဟာ..တစ်နေ့ဒီလိုထောင်လွှားလာလိမ့်မယ်၊ခုလိုထိန်းမရသိမ်းမ၇တွေလုပ်လာလိမ့်မယ် ဆိုတာကျုပ်ကကြိုတွက်ထားတယ် ၊ အဲဒီအခါတိုင်းပြည်အတွက်လိုလာရင် သုံးရအောင် လိုရမယ်ရစုဆောင်း ထားတာပါ ..ဟုရှင်းပြရလေသည် ။သူတို့ကံဆိုးသွားတာက သူတို့အသုံးတော်ခံခဲ့တဲ့ သရုပ်ဆောင်လေးတွေထဲက တစ်ယောက်ဟာ ကျုပ်နဲ့ရပ်ဆွေရပ်မျိုးဆိုသလို ဖြစ်နေတာပါဘဲ....။

ဆရာ့လိုရမယ်ရကလဲစုံလှချေလားဗျာ...ဟု မှတ်ချက်ပြုရင်း ကျွန်တော့်ကိုဒီဖိုင်တွေပေးလိုက်ဆရာ.. ကျွန်တော်ဆော်မယ်..ဒီကောင်တွေကိုဟု ကြုံးဝါးနေသဖြင့် ကျွန်ုပ်က လက်ကာပြရင်း -

တရားသဖြင့်စစ်တိုက်တယ်ဆိုတာ ပြိုင်ဘက်ရန်သူကို အလစ်မဆော်ရဘူး..တရားသဖြင့်ယှဉ်ပြိုင်ရတယ်..

ပထမအဆင့်အနေနဲ့ သူတို့ကိုစစ်ကြေငြာရတယ် ၊ ဒါကြောင့်သူတို့ကိုစစ်ကြေငြာပါ.. .ကြေငြာတယ်ဆိုတာကလည်းထွေထွေထူးထူးမဟုတ်ပါဘူး ခုကိုယ်နဲ့မောင်ရင် ပြောနေဆိုနေ တာလေးတွေကို ဆောင်းပါးလေးလိုရေးပြီး မောင်ရင့်မေးထဲပို့ထားလိုက်မယ် ဒါလေးကို Voice Of Myanmar မှာတင်လိုက်ပါ ...သူတို့ဘက်ကပြင်သွားတယ် ၊ ဆင်ခြင်သွားတယ် ဆိုရင် မောင်ရင်ကျေနပ်လိုက်ပါ ၊ မဆင်ချင်ဘူး ရှေ့ကိုတိုးမြဲတိုးနေတယ် တင်ထားတဲ့ပို့စ်တွေ ကော့မန့်တွေပေါ်မှာ ငါတို့တော့ အစိုးရအပေါ်အသာစီးရပြီဟေ့ဆိုပြီး သာယာနေတယ်ဆိုရင်တော့ မောင်ရင်နဲ့အတူ ကျုပ်ပါ ၀င်ပြီးတိုက်မယ်....

မောင်ရင် မနက်ဖြန် TG နဲ့ပြန်မှာမဟုတ်လား အေးအေးဆေးဆေးပြန်သွားပါ ဟိုရောက်ရင် သူတို့ကိုမျက်ချေမပြတ်ကြည့်ပါ ကိုယ့်ကို ဆက်သွယ်ပါ ..စိတ်အေးအေးထားပါ လောကမှာမှန်တဲ့ဘက်က အနိုင်ရရမှာပေါ့ကွာ...ရှုံးလဲခဏပေါ့...ဟုပြောကာ အားပေးနှစ်သိမ့်ရလေသည် ။

နောက်ဆုံးအနေနဲ့ပေါ့လေ..လောလောဆယ် မီဒီယာတွေပေါ်မှာဆရာမြင်တဲ့အမြင်လေးပြောပါဦး ဆရာရယ်..ဟု မေးလာပြန်သဖြင့် ဒီနေရာမှာကိုယ့်ရဲ့သဘောထားကို ပြောမနေတော့ပါဘူး ကိုယ့်စိတ်နဲ့တစ်ထပ်တည်းကျတဲ့ အင်မတန်လေးစားထိုက်တဲ့ မဟတ္တမ ဂန္ဒီကြီးရဲ့ မီဒီယာအပေါ်ထားတဲ့သဘောထားကို ပြောပြမယ် ဂန္ဒီကြီးက -

" စာနယ်ဇင်းဆိုတာ အလွန်ကြီးမားတဲ့အင်အားတစ်ခုဖြစ်တယ် ၊ အထိန်းအချုပ်မရှိ ဒလဟောသွန်၍ စီးကျလာသောမြစ်ရေသည် လယ်ကျေးလက်တစ်ခွင်လုံးဖုံးလွှမ်းကာ ကောက်ပဲသီးနှံများကို ပျက်စီးစေတတ် သကဲ့သို့ အထိန်းအကွပ်မဲ့သော ကလောင်သည်လည်း ပျက်စီးမှုတို့ကိုသာ ဖြစ်ပေါ်စေတတ်တယ် " လို့ဆိုတယ်..

ဒီတော့ အထိန်းအကွပ်မဲ့နေတဲ့ကလောင်တွေကို ထိန်းပေးကွပ်ပေးရဦးတော့မှာပေါ့ကွာ.......

ဒေါက်တာဆိတ်ဖွား

Ref : http://doctorsatephwar.blogspot.com/