ဗိုလ်ချုပ်အောင်ဆန်း ၏ တကယ့်လူ

လွန်ခဲ့သောအနှစ်(၂၀)လောက်က တကယ့်လူ အမည်နှင့် ကျွန်တော်သည် ၀တ္ထုဇာတ်ညွှန်းရေးဖူးသည်။ အကယ်ဒမီ ဒါရိုက်တာ ပန်းချီစိုးမိုးကစိုးသူ(ပေါက်စ)၊ စိုးစိုး(စိုးမြတ်သူဇာ)တို့နှင့် စိုးမိုး၊ စိုးသူ၊ စိုးမြတ်သူဇာ တို့၏ စိုးသုံးလုံး ရုပ်ရှင် က ရိုက်ကူးခဲ့ခြင်းဖြစ်သည်။စာရေးဆရာ မောင်သာချိုကလည်း ဗိုလ်ချုပ်အောင်ဆန်း၏ ကိုယ်ချင်းစာစိတ်၊ လာဘ် ပေး လာဘ် ယူကင်း မှုနှင့် ရိုးသားမှုကို တကယ့်လူအမည်နှင့်ဟောပြောသွားသည် မှာ ကရုဏာဖြစ်ဖွယ်၊ လေးစားဖွယ်ပင်။ ၁၉၄၆ ခုနှစ်၊  နှစ်ကုန်ကာနီးတွင် ဖဆပလ က ကွန်မြူနစ်ပါတီ ကိုထုတ် ပစ်လိုက်ပြီးနောက် ဗိုလ်ချုပ်သည်ဦးကျော် ငြိမ်း၊ ဦးဘဆွေစသောဆိုရှယ်လစ်ပါတီ ခေါင်းဆောင်တွေနှင့် ပေါင်းလိုက်သည်။ ကွန်မြူနစ်ပါတီကလည်း ဆိုရှယ်လစ်တွေ လက်မှာ ခွေးသေ၊ ၀က်သေသေရစ်ပေ တော့ဟု ပြင်းထန်ထိရှသောစကားလုံး တွေနှင့် ဗိုလ်ချုပ်ကိုရှေ့မှာထားလျက် ကမ္ဗည်းနိမိတ်ခပ်နှိပ်ခဲ့သည်။ဤမျှမက ကွန်မြူနစ်ပါတီ၏မီဒီယာ များဖြစ်ကြသော ကွန်မြူနစ်နေ့စဉ်၊ ပြည် သူ့အာဏာဂျာနယ် တို့ကနေ၍ ဗိုလ်ချုပ် နှင့်ဖဆပလ ကိုနှစ်ပြားမတန်အောင် တိုက်ခိုက်ရေးသား ထိုးနှက်ခဲ့သည်။
ဗိုလ်ချုပ်နှင့်ဖဆပလဘက်ကလည်း ကွန်မြူနစ်တွေကိုဓားပြတွေ၊ သူခိုးတွေ စသဖြင့် နှစ်ပြားမတန်အောင် ပြန်နှက်ခဲ့ သည်။ ယင်းကြောင့် တစ်သက်တော့ ဗိုလ်ချုပ်နှင့်ကွန်မြူနစ်တွေ လမ်းဆုံးသွား ပြီဟု ထင်မှတ်စရာပင်။ထိုမတိုင် မီကလေး ၁၉၄၆ခုနှစ်၊စက် တင်ဘာလ ၂၁ ရက်နေ့တွင် မြေနီကုန်း၊ ပြည်လမ်းမှာ ဂဠုန်ဦးစော သေနတ်ပစ် ခံရသည်။ ယင်းပစ်ခတ်မှုသည် ဗိုလ်ချုပ် လက်ချက်ဟု ဦးစော ကစွပ်စွဲသည်။ ဗြိ တိသျှဘုရင်ခံခေတ်ဖြစ်၍ ဘုရင်ခံကိုပါ (ဗိုလ်ချုပ်လက်ချက်ဖြစ်ကြောင်း) ဦးစော ကစွပ်စွဲတိုင်ကြားသည်။
ရှစ်မိုင်ခွဲ၊ အေ၀မ်းခြံ (ယခု သိန်းထွဋ်၊ သန်းထွဋ်အမွှာတို့နေရာ) တွင် ဗိုလ်ချုပ်နှင့်အလွန်ရင်းနှီးသော ဒဂုန် မဂ္ဂဇင်းမန်နေဂျာသခင်လှဘူး နေသည်။ သခင်လှဘူး၊ အေ၀မ်းဦးတင်နွယ် တို့ အကူအညီနှင့်၁၉၄၆ခု၊အောက်တိုဘာလ (၁၀)ရက်နေ့တွင် သခင်လှဘူး၊ ဒေါ်ခင်လဲ့ တို့အိမ်မှာ ဗိုလ်ချုပ် နှင့် ဦးစော တို့ တွေ့ကြသည်။ ဦးစောက၀န်ကြီးချုပ် တာဝန်ထမ်းဆောင်နေသော ဗိုလ်ချုပ် ကိုမင်းနှင့်ငါနှင့်ပြောလျက် လက်ညှိုး ငေါက်ငေါက်ထိုးကာ မဟုတ်မတရား ဒေါနှင့်မောနှင့် စွပ်စွဲ၏။ဗိုလ်ချုပ်သည်ဦးစောအကြိမ်ကြိမ် စွပ်စွဲသည့်ကြားက သုံးကြိမ်၊ သုံးခါစိတ် ရှည်သည်းခံစွာပင် ဦးစောကိုတောင်းပန် ခဲ့သည်။ သူ၏ရိုးသားဖြူစင်မှုကို ဦးစော နှင့်မျက်နှာချင်းဆိုင်တွေ့ဆုံပြီး ပြသခဲ့ သည်။
ကွန်မြူနစ်ပါတီကို၁၉၄၆ခု၊အောက် တိုဘာလတွင် ဖဆပလကထုတ်ပယ်ပြီး နောက် ရက်တစ်ရက်မှာ ဗိုလ်ချုပ်တပည့် ဗိုလ်ထွန်းလှ(တက်္ကသိုလ်နေ၀င်း) ကား မောင်းပြီး ဗိုလ်ချုပ်က ဗိုလ်ထွန်းလှ ဘေး မှာလိုက်ပါလျက် သူ့ရုံးခန်းရှိရာ အတွင်း ၀န်ရုံးသို့ဦးတည်လာသည်။တိရစ္ဆာန်ရုံဘေးသို့ ဗိုလ်ချုပ်တို့ကား ဖြတ်အလာမှာ ပလက်ဖောင်းပေါ်တွင် လမ်းလျှောက်လျက် ဗဟန်းဘက်ကပြန် လာပုံရသော သခင်မြသွင်ကို ဗိုလ်ချုပ် လှမ်းမြင်လိုက်သည်။““ဟေ့၊ ဟိုမှာကြည့်စမ်း သခင်မြသွင် မဟုတ်လား”” ဗိုလ်ထွန်းလှ လှမ်းကြည့် လိုက်တော့ တကယ်ပင် ကွန်မြူနစ်ခေါင်း ဆောင်တစ်ဦးဖြစ်သူ သခင်မြသွင်ကိုတွေ့ လိုက်ရသည်။““အစစ်ပဲ ဗိုလ်ချုပ်။ နေပူထဲမှာချွေး တွေနဲ့ရွှဲလို့ သခင်မြသွင်နွမ်းနေပုံပဲ””““ဒါဆိုကားရပ်ကွာ””
သခင်မြသွင် အနီးတွင်ကားရပ်သွား ရာ သခင်မြသွင်ကလှမ်းကြည့်သည်။ ဗိုလ်ချုပ် နှင့်သူ့တပည့် ဗိုလ်ထွန်းလှတို့။သူ့ကိုဗိုလ်ချုပ်တို့ဆရာတပည့်နှစ်ယောက် ကရန်ပြုမှာလားဟု သခင်မြသွင်စိုးရိမ် သွားသည်။ဗိုလ်ချုပ်အလွန်စေတနာကောင်း သည်။ကားထဲကကပျာကယာဆင်းသည် ““ကဲ၊ တက် သခင်မြသွင်။ပါတီချင်းမတည့် တာနဲ့ လူချင်းအခင်မင်မပျက်ပါဘူး။ မြို့ ထဲသွားမှာမို့လား။ တက်သာတက်ပါ။ လိုက်ပို့ပါ့မယ်””သခင်မြသွင်သည်တော်တော်အံ့အား သင့်သွားသည်။ ဗိုလ်ချုပ်သည်အရိုးခံ အတိုင်း သခင်မြသွင်လက်ကိုဆွဲပြီး ကား ပေါ်သို့ခေါ်တင်၏။ သခင်မြသွင်သွားလို ရာဆီလိုက်ပို့ပေး၏။ သူ့ကိုဆိုရှယ်လစ် တွေလက်ထဲ ခွေးသေ၀က်သေ သေရစ် တော့ဟု မေတ္တာပို့ခဲ့သော ကွန်မြူနစ်တွေ ကို ပုဂိ်္ဂုလ်ရေးမမုန်းကြောင်း သခင်မြသွင် ကိုကားပေါ်ခေါ်တင်ခြင်းဖြင့်သက်သေ ပြခဲ့သည်။၁၉၄၇ခုနှစ်၊ဧပြီလတွင် ရွေးကောက် ပွဲကျင်းပသည်။ ဗိုလ်ချုပ်တို့ ဖဆပလ က တစ်နိုင်ငံလုံးလိုလိုမှာ အပြတ်အသတ်နိုင် သည်။ သို့သော် ကွန်မြူနစ်ပါတီက (၇) နေရာရလိုက်သေးသည်။ ယင်းအနက် ကွန်မြူနစ်အမတ်ဖြူးသခင်သန်းဖေသည် ဗိုလ်ချုပ်တို့ ဖဆပလကို တောင်ငူတောင် ပိုင်း မဲဆန်္ဒနယ်တွင် မဲအပြတ်အသတ်ဖြင့် အနိုင်ရသွားသည်။ဖြူးသခင်သန်းဖေသည် ကွန်မြူနစ် ပါတီတွင် သခင်သန်းထွန်းကလွဲလျှင် သြဇာတိက္ကမကြီးသူဖြစ်သည်။လွှတ်တော် အစည်းအဝေးကျင်းပနေချိန်တွင် သခင် သန်းဖေသည် ဗိုလ်ချုပ်နှင့်တွေ့ဆုံဆွေး နွေးလိုကြောင်း၊ ဖဆပလနှင့် ကွန်မြူနစ် ပါတီညီညွတ်ရေးကို ဆွေးနွေးရန်ဖြစ် ကြောင်း ဗိုလ်ချုပ်ကိုတွေ့ပြီးပြောသည်။ဗိုလ်ချုပ်သည်ဖဆပလနှင့်ကွန်မြူနစ် တို့ညီညွတ်ရေးကို အလွန်အလိုရှိသူဖြစ် သည်။ သခင်သန်းဖေကဖွင့်ဟပြောပြ လာ၍အလိုလိုရွှင်လန်းတက်ကြွလာသည်။ ခက်နေသည်မှာညနေလေးနာရီခွဲလောက် ထိဗိုလ်ချုပ်မှာ တာဝန်တွေပါနေ၏။
““ဒီလိုလုပ်ပါလား သခင်သန်းဖေ””
““ဆို၊ သခင်အောင်ဆန်း””
““ညနေရုံးဆင်းရင် အိမ်လိုက်ခဲ့ဗျာ၊ အိမ်မှာ အေးအေးဆေးဆေးဆွေးနွေး ကြတာပေါ့””
ဗိုလ်ချုပ်ကိုရွှင်ပြတက်ကြွနေ၍ သခင်သန်းဖေ စိတ်ချမ်းသာသွား၏။ ဗိုလ်ချုပ် အိမ်တွင်ညနေ ၅ နာရီကစ၍ သခင်သန်းဖေနှင့်ဗိုလ်ချုပ်တို့ ဆွေးနွေး ကြသည်မှာညသန်းခေါင်တောင်တိုင်သွား လေသည်။ ဗိုလ်ချုပ်ကတော်ကညစာပြင် ကျွေးတော့လည်းစားရင်း၊သောက်ရင်း ဆွေးနွေးဆဲ။ ထန်းလျက်နှင့်လက်ဖက်၊ ပဲလှော်ကြော်တို့ဖြင့် အချိုတည်းကြတော့ လည်း အမျှင်မပြတ် စကားဆက်နေဆဲ။ ဗိုလ်ချုပ်သည်အင်မတန်ရိုးသားသည်။ အမျိုးသားညီညွတ်ရေးကို အလွန်တန်ဖိုး ထားသည်။ ဆိုရှယ်လစ်တွေလက်မှာခွေး သေ၀က်သေ သေရစ်လေတော့လို့ ကွန် မြူနစ်တွေပြောရက်တယ်ဗျာဟု စကား နာမထိုးပါ။ ဗိုလ်ချုပ်သည်သခင်သန်းဖေ တို့ကွန်မြူနစ်မဖြစ်ခင်ကပင် ၁၉၃၉ခု၊ သြဂုတ်လ(၁၅)ရက်နေ့တွင် ဗမာပြည် ကွန်မြူနစ်ပါတီကိုစတင်တည်ထောင်ခဲ့သူ အထွေထွေအတွင်းရေးမှူးတာဝန်ကိုရယူ ခဲ့သူဖြစ်သည့်တိုင် ဟန်ဓာတ်ခုတ် ကြွားဝါခြင်း လုံးဝမရှိ။ ပကတိရိုးသား ဖြူစင်စွာဖြင့် ပေါင်းသင်း ဆက်ဆံ တတ်သည်မှာ မှတ်သားထိုက်လှသည်။ဗိုလ်ချုပ်အိမ်တွင် ရဲဘော်ကျော်စိန် အမည်ရှိ ယာဉ်မောင်းတစ်ဦးရှိသည်။ ရဲဘော်ကျော်စိန်တွင်ထူးခြားချက်နှစ်ချက် ရှိသည်။ပထမအချက်သည်ဖြစ်သည့်နည်း နှင့် ညနေတိုင်းအရက်သောက်ခြင်းဖြစ်၍ ဒုတိယအချက်မှာ ဗိုလ်ချုပ်၏အချစ်ဆုံး သမီးကလေး မစု(ယခု ဒေါ်အောင်ဆန်းစု ကြည်)ကို ရဲဘော်ကျော်စိန်ကအလိုလိုက် ခြင်းပင်ဖြစ်သည်။
တစ်ခါတစ်ရံ မစုကလေးသည် ရဲဘော်ကျော်စိန်ကို သီချင်းဆိုခိုင်းရုံသာ မကဦးရွှေရိုးအကကိုပါကခိုင်းတတ်လေ သည်။ ရဲဘော်ကျော်စိန်သည်ဦးရွှေရိုးဟန် ဖြင့် မကတတ်ကတတ်ကပြီး ““လူထုအား ကိုအများကြီးလိုသည်။ ဗိုလ်ချုပ်အစိုးရ အချိုးကျကူညီ”” သီချင်းကိုစည်းချက်ကျ ကျဆိုလျက် မစု ကလေးကိုဖျော်ဖြေလေ့ ရှိ၏။ ဗိုလ်ချုပ်နှင့် ဗိုလ်ချုပ်ကတော်တို့ ကလည်း ရဲဘော်ကျော်စိန်ကိုသမီကလေး မစု ပျော်အောင် ဖျော်ဖြေနိုင်၍ တော် တော်သဘောကျ၏။
တစ်နေ့တွင် ဗိုလ်ချုပ်နှင့်တပည့် အတွင်းရေးအတွင်းဝန် ဗိုလ်ထွန်းလှ (တက်္ကသိုလ်နေ၀င်း)တို့ ဘုရင်ခံဧည့်ခံပွဲ သို့ ရဲဘော်ကျော်စိန် မောင်းသောကားဖြင့် သွား၏။ ညဦးယံဧည့်ခံပွဲသည် နှစ်နာရီ ခန့်ကြာ၏။ဗိုလ်ချုပ်နှင့်ဗိုလ်ထွန်းလှတို့ကိစ္စပြီး၍ ကားဆီသို့ပြန်လာတော့ ရဲဘော်ကျော်စိန် သည်တခေါခေါဟောက်လျက်ကားနောက် ခန်းမှာ စက်တော်ခေါ်လျက်ရှိ၏။ ရဲဘော်ကျော်စိန် သည်ကားသမားများကို ဧည့်ခံသော ဇိုးသမားယမကာမောင်တွေ အလွန်ကြိုက်သည့် ဘီးဟိုက် Bee-Hive (ပျားအုံဘရန်ဒီ)ကို နှစ်သက်စွာသောက် သုံးလေရာ များသွားပြီး ကားနောက်ခန်း မှာအိပ်မောကျသွားခြင်းဖြစ်၏။မိမိ၏ကားသမားကအရက်မူးပြီး အိပ်ပျော်နေသည်ဆိုလျှင်မြန်မာနိုင်ငံတွင်  ဘုရင်ခံကလွဲ၍အဆင့်အမြင့်ဆုံးပုဂိ်္ဂုလ် သည် စိတ်ဆိုးဒေါပွကာဆူပူကြိမ်းမောင်း မည်ပင်။ ““ဟေ့ကောင်ကျော်စိန်။ ခွေးမ သား။ ထ၊ ဇိမ်ကျပြီးဟောက်နေလိုက်တာ ဇရက်မင်းစည်းစိမ်ကျနေတာပဲ။ အတော် အသုံးမကျတဲ့ကောင်””ဟု ဗိုလ်ချုပ်က ဆူပူပြောဆိုလိမ့်မည်ဟုထင်ပါသလား။စင်စစ် ဗိုလ်ချုပ်က ရဲဘော်ကျော်စိန် စိတ်ချလက်ချဟောက်နေသည်ကိုကြည့် ရင်း သဘောကျသလိုပြုံး၏ ““တစ်ခါတစ် ရံခံစားရတာ။ ခံစားခွင့်ပေးလိုက်ပါကွာ။ မင်းပဲမောင်းပြီးသူ့ကိုအိပ်စက်ခွင့်ပေးလိုက် ကြရအောင်””ဟု ဗိုလ်ချုပ်ကဗိုလ်ထွန်းလှ ကိုပြော၏။
ယင်းမှာ ဗိုလ်ထွန်းလှမောင်းလာ သော ဗိုလ်ချုပ်စီးလာသည့်ကားပေါ်တွင် ရဲဘော်ကျော်စိန်သည် နတ်စည်းစိမ်ခံစား လျက် ဇိမ်ခံလိုက်ပါကာ နေလေတော့ သတည်း။

မြေနီသစ္စာ

Ref : The Hot News Journal