ဇာဂနာ နမ်ဘီယာ့ အကြံပေး အဖွဲ့နဲ့တွေ့ဇာဂနာနဲ့ အဖွဲ့ ဟီလာရီ ကလင်တန်နဲ့ တွေ့ဆုံ
အမေရိကန်မှာ ခရီး လှည့်လည်နေတဲ့ အနု ပညာရှင် ဇာဂနာဟာ ကုလ အတွင်းရေးမှုး ချုပ် ဘန်ကီမွန်းရဲ့ မြန်မာ နိုင်ငံဆိုင်ရာ ကုလ အထူးကိုယ်စားလှယ် ဗီဂျေနမ်ဘီယာ ရဲ့ အကြံပေး အဖွဲ့နဲ့ တွေ့ဆုံခဲ့ပါတယ်။
အဲဒိလို တွေ့ဆုံတုန်း ဇာဂနာဟာ ပြည်တွင်းစစ် ရပ်စဲရေး၊ မြန်မာ နိုင်ငံထဲ လူမှု အဖွဲ့အစည်းတွေ ပေါ်ပေါက်ရေးနဲ့ ကျန်နေသေးတဲ့ နိုင်ငံရေး အ ကျဉ်းသားတွေ ကိစ္စတွေကို တင်ပြခဲ့တယ်လို့ ဇာဂနာက ဘီဘီစီကို ပြောပြပါတယ်။
ကုလ အထူး ကိုယ်စားလှယ် ဗီဂျေ နမ်ဘီယာဟာ မတ်လမှာ မြန်မာ နိုင်ငံကို လာဖို့ ရှိသလို အမေရိကန် အထူးကိုယ်စားလှယ် ဒဲရက် မစ်ချဲလည်း မတ်လမှာဘဲ မြန်မာ နိုင်ငံကို လာဖို့ ရှိပါတယ်။
ဇာဂနာနဲ့အတူ အမျိုးသား ဒီမိုကရေစီ အင်အားစု ပါတီက ဒေါ်ဘောက်ဂျာ၊ ခလေးတွေကို အခမဲ့ ပညာ သင်ပေးနေတဲ့ အင်အယ်ဒီ ပါတီဝင် ဒေါ်ခင်သန်းမြင့်တို့နဲ့ အတူ အမေရိကန် အခြေစိုက် NED အဖွဲ့ရဲ့ ဖိတ်ခေါ်မှုနဲ့ အမေရိကန်ကို ရောက်ရှိလာတာ ဖြစ်ပါတယ်။
သူတို့ အဖွဲ့ဟာ ဗုဒ္ဓဟူးနေ့က အမေရိကန် နိုင်ငံခြားရေး ဝန်ကြီး ဟီလာရီ ကလင်တန်နဲ့ တွေ့ဆုံခဲ့ပြီး မြန်မာ နိုင်ငံ အရေးနဲ့ ပတ်သက်တဲ့ ကိစ္စတွေကို တင်ပြ ဆွေးနွေး ခဲ့ပါတယ်။
ကေအိုင်အေ နဲ့ အစိုးရ စစ်တပ်ကြားတိုက်ပွဲတွေ ဆက်ဖြစ်နေဆဲကချင် ဒေသ အတွင်း စစ်ပွဲဒဏ် ကြောင့် ဒုက္ခသည် တွေ နေအိမ်စွန့်ခွာ ထွက်ပြေးခဲ့ကြရ
မကြာမီနောက်ထပ် တွေ့ဆုံဆွေးနွေးဖို့ ၂ ဘက် စီစဉ်နေကြပေမယ့် ကေအိုင်အေ ကချင် လွတ်မြောက်ရေး တပ်ဖွဲ့ နဲ့ အစိုးရ စစ်တပ် အကြား အခုရက်ပိုင်း အတွင်း တိုက်ပွဲ တွေ ဆက်လက် ဖြစ်ပွား နေ ပါတယ်။
ဗုဒ္ဓဟူးနေ့ ညနေ (၄)နာရီလောက်မှာ ကချင် ပြည်နယ် မံစီမြို့နယ် ဂိုက်ထိပ် အနား က ကေအိုင်အေ တပ်မဟာ (၃) တပ်ရင်း (၁၂) နယ်မြေ ( ဂျေဆွမ် )ရွာ အနီးမှာ ကေအိုင်အေ တပ်ရင်း(၁၂) မှ တပ်ဖွဲ့ဝင် တွေ နဲ့ အစိုးရ စစ်တပ် တပ်မ(၉၉)မှ လက်အောက်ခံ တပ်ဖွဲ့ဝင် တွေ ထိတွေ့ တိုက်ပွဲ ဖြစ်ပွား ခဲ့ပါတယ်။
အဲဒီနေ့ မနက်ပိုင်းမှာ မံစီဖက်ကနေ အစိုးရ စစ်တပ် တပ်မ(၉၉) တပ်ဖွဲ့ဝင်တွေ အင်အား (၂ဝဝ)လောက် မံစီနဲ့ ဂိုက်ထိပ် အကြား က မိုင်းခေါင် ဖက်အထိ တက်ရောက် လာခဲ့ပြီး ညနေပိုင်း မှာတော့ (ဂျေဆွမ်) အနားမှာ အခုလိုထိတွေ့ တိုက်ပွဲ ဖြစ်ပွား ခဲ့တဲ့ အကြောင်း ကေအိုင်အေ ရှေ့တန်းစစ်ဖက် ရပ်ကွက် က ဆိုပါတယ်။
ကေအိုင်အေဖက်က အဝေးထိန်းစနစ်နဲ့ မိုင်းဆွဲတိုက်ခိုက်မှုတွေ အပါအဝင် အပြန်အလှန် ပစ်ခတ် တိုက်ခိုက် ခဲ့ကြမှုတွေအတွင်း ထိခိုက်ကျဆုံးမှုတွေ ရှိခဲ့ကြောင်းသိ ရပေမယ့် အရေအတွက် ကိုတော့ အခုချိန်အထိ အတည်ပြုနိုင်ခြင်း မရှိသေးပါဘူး။
အလားတူပဲ ဖေဖော်ဝါရီ လ ၇ ရက် နေ့ အင်္ဂါနေ့ က လည်း ရှမ်းပြည် မြောက်ပိုင်း အတွင်းရှိ ကေအိုင်အေ တပ်မဟာ(၄) လက်အောက်ခံ တပ်ရင်း(၃၆) နဲ့ တပ်ရင်း(၉) နယ်မြေတွေ အတွင်းမှာ ကေအိုင်အေ တပ်ဖွဲ့ဝင်တွေ နဲ့ အစိုးရစစ်တပ်တွေ အကြား ထိတွေ့ တိုက်ပွဲ ဖြစ်ပွားခဲ့ ပါတယ်။
မုံးကိုးမြို့နယ်ခွဲ အတွင်းရှိ ကေအိုင်အေ တပ်ရင်း (၃၆) ကတော့ အနည်းငယ်ဆုတ်ခွာ ပေးလိုက်ရကြောင်း သိရပြီး မူဆယ်မြို့နယ် နဲ့ကွတ်ခိုင်မြို့နယ် အစပ် အထိ ရှိတဲ့ ကေအိုင်အေတပ်ရင်း (၉) နဲ့ ကတော့ အင်္ဂါနေ့နေ့လည် (၂)နာရီ လောက် ကနေ ညနေ (၅)နာရီကျော်အထိ အပြင်းအထန် တိုက်ပွဲတွေ ဖြစ်ပွား ခဲ့တယ် လို့ ကေအိုင်အေ ဖက် က အဆိုအရ သိရပါတယ်။
ကျည်ဆံတွေ အစား ပန်းများဝေစေ လှုပ်ရှားမှုဗမာနိုင်ငံလုံးဆိုင်ရာ ကျောင်းသားသမဂ္ဂများ
ကျည်ဆံတွေ အစား၊ ပန်းများပွင့်စေ၊ ငါတို့ချစ်တဲ့ မြန်မာပြည် ဆိုတဲ့ ကြေညာချက်ကို Generation Wave မျိုးဆက်သစ် လူငယ်များ၊ အကောင်းဆုံး မြေသြဇာ နဲ့ ဗမာနိုင်ငံလုံး ဆိုင်ရာ ကျောင်းသားသမဂ္ဂ များ အဖွဲ့ချုပ် တို့ ပူးပေါင်းထုတ်ဝေ လိုက်ပါတယ်။
ကနေ့ ကျရောက်တဲ့ ပြည်ထောင်စု နေ့ ကစလို့ ဗိုလ်ချုပ်မွေးနေ့၊ ချစ်သူများနေ့ အထိ ၃ ရက်တိုင် ပြည်သူတွေ နဲ့ ငြိမ်းချမ်းရေး ဖေါ်ဆောင်မယ် လို့ ဆိုလို့ ပြည်သူတွေ ရော အသင့် ဖြစ်နေ ပြီလား လို့ Generation Wave မှ ပြင်ပရေးရာ တာဝန်ခံ ကိုမိုးသွေး ကို မေးကြည့်ရာမှာ ပြည်သူလူထု ရဲ့ တောင့်တမှု အရ ထာဝရ ငြိမ်းချမ်းရေး ရဖို့ ပြည်ထောင်စု နေ့ က စပြီး နှင်းဆီပန်း အဖြူရောင် တွေ ဝေငှ မယ်လို့ ဘီဘီစီ ကို ပြောပါတယ်။
ခေတ် အဆက်ဆက်မှာ နိုင်ငံတွင်း ပဋိပက္ခ တွေ ကြောင့် ကျည်ဆံ တွေ သုံးစွဲကြတဲ့ စစ်ပွဲတွေ နေရာယူခဲ့လို့ မြန်မာနိုင်ငံ ဟာ ခေတ်နောက်ကျ ကျန်ခဲ့ရပုံ၊ ဒါကြောင့် ကျည်ဆံ တွေ အစား၊ ပန်းပွင့်တွေ နဲ့ ဝေနေအောင်၊ ပြည်သူနဲ့ လက်တွဲပြီး လှုံ့ဆော်ပွဲ ပြုမယ့် အကြောင်း ရှင်းပြပါတယ်။
တချို့က ကိုယ့်ဒေသ ငြိမ်းချမ်းပေမယ့် တနိုင်ငံလုံး အတိုင်းအတာ အရ စစ်ဘေးဒဏ် ခံနေရတာတွေ ရှိနေဆဲ မို့ ပြည်ထောင်စု ကြီး၊ တခုလုံး ငြိမ်းချမ်းရေး ရစေဖို့ ပြည်သူ့ အကူအညီ နဲ့ တည်ဆောက်ယူ မယ်လို့ ကိုမိုးသွေး က ပြောပြပါတယ်။
ဒေါ်အောင်ဆန်းစုကြည်ရဲ့ ကော့မှူးမြို့ စည်းရုံးရေး ခရီးစဉ်မြို့ခံကရင်လူမျိုးတွေကလည်း သောင်းသောင်း ဖျဖျ ကြိုဆိုခဲ့ကြ
ကော့မှူးမြို့နယ်မှာ ဘွဲ့ရ ပညာတတ်တွေက အစ အလုပ်အကိုင်တွေ မရ ဖြစ်နေတာနဲ့ ပတ်သက်လို့ စိတ်မကောင်း ဖြစ်မိတယ်လို့ NLD အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က သူ့ရဲ့ ကော့မှူးမြို့ မဲဆွယ် စည်းရုံးရေး ခရီး စဉ်မှာ မြို့ခံလူထုကို ပြောကြားခဲ့ပါတယ်။
ကော့မှူးမြို့နယ် ဖွံ့ဖြိုးတိုးတက်လာရေးကို သူ့အနေနဲ့ အစွမ်းကုန် ကြိုးပမ်း ဆောင်ရွက် သွားမယ်လို့ ဒေါ်အောင်ဆန်းစုကြည်က ပြောသွားပါတယ်။
ပညာရေး ကိစ္စတွေ အပါအဝင် တိုင်းပြည် တိုးတက်လာရေးကို အားလုံး ပါဝင် ဆောင်ရွက်ဖို့ လိုတယ်လို့လည်း ဒေါ်အောင်ဆန်း စုကြည်က တိုက်တွန်းသွားပါတယ်။
လာမယ့် ကြားဖြတ် ရွေးကောက်ပွဲမှာ ကိုယ်တိုင် ဝင်အရွေးခံမယ့် ကော့မှူးမြို့နယ်ကို ပထမဆုံးအကြိမ် အဖြစ် မဲဆွယ် စည်းရုံးရေး ခရီးထွက်စဉ်မှာ ဒေါ်အောင်ဆန်း စုကြည်ကို သူသွားရာ ခရီးလမ်း တလျှောက်လုံး မြို့ခံ လူထုက သောင်းသောင်းဖျဖျ ကြိုဆို နှုတ်ဆက် ခဲ့ကြပါတယ်။
မြို့ခံတွေက အိုးစည် ဗုံမောင်း အကအခုန်တွေနဲ့ ကြိုခဲ့ကြသလို ကရင်လူမျိုး မြို့ခံတွေ ကလည်း ဒုံးယိမ်းတွေနဲ့ ကြိုဆိုခဲ့ကြပါတယ်။
ကော့မှူးမြို့နယ် NLD ပါတီ ရွေးကောက်ပွဲ အောင်နိုင်ရေး မဲဆွယ် စည်းရုံးရာမှာ အရှေ့ခြမ်း၊ အလယ်ခြမ်းနဲ့ အနောက်ခြမ်း ဆိုပြီး ပိုင်းခြား သတ်မှတ်ထားရာမှာ ကရင် လူမျိုး အများအပြား နေထိုင်ရာ အနောက်ခြမ်းမှာတော့ ဒေါ်အောင်ဆန်းစုကြည်က ကရင် ဝတ်စုံ ဝတ်ဆင်ပြီး လှည့်လည်ခဲ့ပါတယ်။
ဒေါ်အောင်ဆန်းစုကြည် လိုက်ပါလာတဲ့ မော်တော်ယာဉ်တန်း ရှေ့ကနေ လူအုပ်ကြီးက ဝမ်းသာ အားရ ဆီးကြို နှုတ်ဆက်ကြတဲ့အတွက် မတော်တဆ ထိခိုက်မှုဖြစ်မှာကို ဒေါ်အောင်ဆန်းစုကြည်က အထူးစိုးရိမ်ပြီး သတိပေး တောင်းပန်စကား အကြိမ်ကြိမ် ပြောခဲ့ရတယ်လို့ အဲဒီ ခရီးစဉ်မှာ အတူပါသွားတဲ့ ဘီဘီစီ သတင်းထောက်က ပြောပါတယ်။
ဆီးရီးယား စစ်ဘက် အရာရှိ လုပ်ကြံခံရဟွမ်းစ်မြို့မှာလဲ တိုက်ပွဲတွေ ဖြစ်နေဆဲ
ဆီးရီးယားနိုင်ငံမှာတော့ တိုက်ခိုက်မှုတွေ ဆက်လက်ဖြစ်ပွားနေရာ ဒမတ်စကတ်စ် မြို့တော် မှာလဲ စစ်တပ်က အကြီးတန်း အရာရှိကြီးတဦးဟာ သေနတ်နဲ့ ပစ်ပြီး လုပ်ကြံ တာကို ခံလိုက်ရတယ်လို့ နိုင်ငံပိုင် မီဒီယာက ကြေငြာ သွားပါတယ်။
လုပ်ကြံခံ လိုက်ရသူဟာ ဗိုလ်မှူးချုပ် အီဆာ အဲလ် ခိုလီ ဖြစ်ပြီး ဒါဟာ ဆီးရီးယား မှာ သမ္မတအာဆတ်ဒ်ကို ဆန့်ကျင်မှုတွေ အရင်နှစ် မတ်လ ကစခဲ့တဲ့ နောက်ပိုင်း အခုလို လုပ်ကြံမှုမျိုးက ပထမဆုံး အကြိမ်လဲ ဖြစ်ပါတယ်။
အခု လုပ်ကြံမှုနဲ့ ပတ်သက်ပြီး ဆီးရီးယား အာဏာပိုင် တွေနဲ့ သူပုန်တွေ အကြား တဘက်နဲ့ တဘက် အပြစ်ပုံချ နေကြဆဲ ဖြစ်ပါတယ်။
တချိန်ထဲမှာဘဲ ဟွမ်းစ်မြို့မှာ ဖြစ်ခဲ့ကြတဲ့ နောက်ဆုံး တိုက်ပွဲ တွေ ကြောင့် လူပေါင်း ၃၅ ဦး သေဆုံးခဲ့ရတယ်လို့ အစိုးရ ဆန့်ကျင်သူတွေ ကပြောပါတယ်။ နောက်ပြီး သူပုန်တွေ ခြေကုတ်ယူရာ ဖြစ်တဲ့ ဇာဘာဒါနီ ဘက်ကို အစိုးရ တပ်တွေ စတင်ဝင်ရောက် နေကြပြီလို့လဲ သတင်းတွေ ရရှိပါတယ်။
ဂရိ ခြိုးခြံရေး အစီအမံသစ် မဲခွဲတော့မယ်ဂရိ ဝန်ကြီးချုပ် လူးကပ်စ် ပါပါဒမ်းမို့စ်က အစိုးရရဲ့ ခြိုးခြံချွေတာ ရေး အစီအမံသစ် တွေကိုပါလီမန် အတွင်း မဲခွဲ မဆုံးဖြတ်ခင် အကြိုနေ့မှာ တိုင်းပြည်ကို ရုပ်မြင်သံကြား ကနေ မိန့်ခွန်း ပြောကြား ခဲ့ပါတယ်။
အဲဒီ အထဲမှာတော့ ဂရိ နိုင်ငံဟာ စီးပွား ပျက်ဖို့ လက်တကမ်းသာလို တော့ကြောင်းနဲ့ အခုကြုံနေ ရတဲ့ အကြွေး ကိစ္စ တွေကို မရှင်းနိုင်ရင် လူနေမှု စံနှုန်းတွေကအစပြိုလဲ သွားဖို့ပဲရှိတော့တယ်လို့ ပြောကြားသွား ပါတယ်။
ဂရိ ဝန်ကြီးချုပ်က အခုလုပ်နေကြတဲ့ စီးပွားရေး အစီအမံတွေအတွက် ဂရိ ပြည်သူတွေမှာ ပေးဆပ်ခဲ့ရ တာတွေ ရှိနေ တာကို သိတဲ့ အကြောင်း၊ တချို့ ကတော့ ဒီစီးပွားရေး ပြုပြင် ပြောင်းလဲ ရေးတွေထက် ဒေဝါလီ ခံရတာ ကိုတောင်မှ ကောင်းဦးမယ်လို့ ထင်ကောင်း ထင်နေ နိုင်ကြောင်း၊ ဒီလိုထင်နေရင် မှားလိမ့်မှာ ဖြစ်ကြောင်းနဲ့ အဲဒီ အဖြစ်မျိုးကနေ တိုင်းပြည်မှာ ထိန်းမရ သိမ်းမရတဲ့ အခြေအနေတွေ ဖြစ်လာနိုင် တဲ့ အကြောင်း တွေကို ပြောကြားသွား ခဲ့ပါတယ်။
စနေနေ့ကတော့ ဒီ ခြိုးခြံချွေတာရေး အစီအမံတွေကို မကျေနပ်ကြတဲ့ လူထောင်ပေါင်း များစွာဟာ လမ်းပန်း ဆက်သွယ် မှုတွေ ရပ်တန့်သွားတဲ့ အထိ ဖြစ်ခဲ့တဲ့ ၄၈ နာရီ သပိတ် ရဲ့ ဒုတိယမြောက် နေ့အဖြစ် ဆက်လက် ဆန္ဒပြခဲ့ ကြပါတယ်။
လစ်ဗာပူးလ်က ဆွာရက်စ် ဝေဖန်ခံနေရအက်ဗရာကို မနှုတ်ဆက်ဘဲ ရှောင်သွားတဲ့ ဆွာရက်စ်
စနေနေ့က ကန်ခဲ့ကြတဲ့ အင်္ဂလိပ် ပရီးမီးယား လိဂ်ဘောလုံးပွဲတပွဲ ဖြစ်တဲ့ မန်ချက်စတာ ယူနိုက်တက် အသင်းနဲ့ လစ်ဗာပူးလ် အသင်းတို့ ရဲ့ပွဲ မစခင်မှာ မန်ချက်စတာ ယူနိုက်တက် အသင်းက ပက်ထရီစ် အက်ဗရာ ကို လက်ဆွဲ နှုတ်ဆက် ဖို့ ငြင်းဆန်ခဲ့တဲ့ လစ်ဗာပူးလ်က လူးဝစ္စ ဆွာရက်စ် ဟာ ဝေဖန် ပြစ်တင် ခံနေရ ပါတယ်။
ပြီးခဲ့တဲ့ နှစ် အောက်တိုဘာလ တုန်းက ဒီနှစ်သင်း ကန်ခဲ့တဲ့ ပွဲမှာ ဆွာရက်စ် ဟာ အက်ဗရာကို အသားရောင် ခွဲခြားပြီး စော်ကား မော်ကား လုပ်ခဲ့တဲ့ အတွက် ဘောလုံး ကစားခွင့် ၈ ပွဲ ပိတ်ပင် ခံခဲ့ ရပါတယ်။ ဒီပိတ်ပင်ခံ ထားရတဲ့ ကာလ အပြီး အခုပွဲကျမှ သူတို့ နှစ်ဦး ပြန်တွေ့ကြ တာဖြစ်ပါတယ်။
မန်ချက်စတာ ယူနိုက်တက် နောက်တန်းကစား သမား အက်ဗရာဘက်က လက်ဆွဲနှုတ်ဆက် ဖို့လက်ကို ကမ်းပေး ခဲ့ပေမယ့် လစ်ဗာပူးလ် က ဆွာရက်စ်က မနှုတ်ဆက်ဘဲ ရှောင်သွားခဲ့ တာဖြစ်ပါတယ်။
မန်ချက်စတာ ယူနိုက်တက် ရဲ့ မန်နေဂျာ ဆာအဲလက်စ် ဖာဂတ်ဆင် ကတော့ ဆွာရက်စ်ဟာ လစ်ဗာပူးလ် ဘောလုံးအသင်းကို သိက္ခာကျ အောင်လုပ်ခဲ့ တာဖြစ်တယ်လို့ ဆိုပါတယ်။
ဒါပေမယ့် လစ်ဗာပူးလ် အသင်းရဲ့ မန်နေဂျာ ကဲန်နီ ဒဲလ်ဂလစ်ရှ် ကတော့ အခု ဖြစ်ပျက် ခဲ့တာတွေ အားလုံးကို ဆွာရက်စ် အပေါ်မှာပဲ အပြစ်ပုံချ တာဟာ မှားနေတယ် ဆိုပြီး သူ့အသင်းသား ဘက်က ကာကွယ်ပြောကြား သွားခဲ့ပါတယ်။
ဘောလုံးပွဲမှာတော့ မန်ချက်စတာ ယူနိုက်တက်က ၂ ဂိုး ၁ ဂိုးနဲ့ အနိုင်ရသွား ခဲ့ပါတယ်။
သံတွဲ မြို့မဈေးကြီး မီးလောင်မှုဖြစ်ပွားဆုံးရှုံးမှု သိန်းပေါင်း သောင်းချီ ရှိနိုင်တယ်လို့ ဒေသခံ တွေက ခန့်မှန်းပြောဆိုနေကြ
ရခိုင်ပြည်နယ် သံတွဲမြို့ မြို့မဈေးကြီး စနေနေ့ မနက်အစောပိုင်းက မီလောင်ခဲ့တဲ့ အတွက် ဆိုင်ခန်းပေါင်း ၇၀၀ ကျော်မီးထဲ ပါသွားတယ်လို့ သိရပါတယ်။
မနက် ၅ နာရီခွဲက ငါးဈေးတန်းဘက်က စတင် လောင်ကျွမ်းခဲ့တာ ဖြစ်ပြီး မီးလောင်မှုကြောင့် ဈေးတစ်ခုလုံးနီးပါး မီးထဲပါသွားတာ ဖြစ်တယ်လို့ ဒေသခံတွေက ပြောပါတယ်။
ဒါပေမယ့်လည်း မီးဘယ်လို စတင် လောင်တယ် ဆိုတာကတော့ မသိရသေးဘူးလို့ ဆိုပါတယ်။
မီးသတ်ကားတွေနဲ့ မြို့သူမြို့သားတွေက ဝိုင်းဝန်းငြှိမ်းသတ်ကြတဲ့အတွက် မနက် ၇ နာရီ ခွဲခန့်မှာ မီးငြိမ်းသွားတယ်လို့ သိရပါတယ်။ ဈေးတခုလုံးနီးပါး မီးသွားတဲ့ အတွက် သိန်းပေါင်း သောင်းနဲ့ချီ ဆုံးရှုံးနိုင်တယ်လို့ ဒေသခံတွေက ခန့်မှန်းပြောဆိုနေကြပါတယ်။
ရခိုင်ပြည်နယ်အတွင်း ဈေးကြီးတွေ မီးလောင်မှုတွေထဲမှာ အခုသံတွဲဈေး မီးလောင်မှုဟာ ဒုတိယအကြိမ်ဖြစ်ပြီး၊ ပြီးခဲ့တဲ့ နိုင်ဝင်ဘာလ ကလည်း မင်းပြားဈေးကြီး မီးလောင်ခဲ့တဲ့ အတွက် ဆိုင်းခန်းပေါင်း ၅၆၇ ခန်း မီးထဲပါသွားခဲ့ဖူးပါတယ်။
စီးပွားရေးဆိုင်ရာ ပြုပြင်ပြောင်းလဲရေး စွန့်စား လုပ်ဆောင်ဖို့လို
By မသင်းသီရိ
မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်ရေးအတွက် ဖွံ့ဖြိုးမှုတွေအပေါ် တန်းတူညီမျှတဲ့ ခံစားခွင့်ရှိဖို့သလို ပြုပြင် ပြောင်းလဲရေးတွေကို စွန့်စားပြီးလုပ်ဖို့ လိုမယ်လို့ ထင်ရှားတဲ့ စီးပွားရေးပညာရှင်တွေက ထောက်ပြလိုက်ကြပါတယ်။ မနေ့က ရန်ကုန်မှာ “စီးပွားရေး ဖွံ့ဖြိုးမှု မဟာဗျူဟာနဲ့ မြန်မာနိုင်ငံ၏ ရှေ့အလားအလာ” ဆိုတဲ့ ခေါင်းစဉ်နဲ့ ကျင်းပခဲ့တဲ့ စီးပွားရေးဆိုင်ရာ ဟောပြောပွဲတွင်း စီးပွားရေး ပညာရှင်တွေက အခုလို ပြောလိုက်ကြတာ ဖြစ်ပါတယ်။ ဒီအကြောင်း အပြည့်အစုံကို မသင်းသီရိက တင်ပြထားပါတယ်။
ဖေဖော်ဝါရီလ ၁၁ ရက် စနေနေ့က ရန်ကုန်မှာ ပြုလုပ်ခဲ့တဲ့ စီပွားရေး ပညာရပ်ဆိုင်ရာ ဟောပြောပွဲမှာ စီးပွားရေး နိုဘဲလ်ဆုရ ဂျိုးဇက် စတစ်ဂလစ်ဇ် (Joseph Stiglitz ) နဲ့အတူ မြန်မာစီးပွားရေး ပေါမောက္ခဟောင်းတွေ ဖြစ်ကြတဲ့ ဦးလှမြင့်၊ ဦးရော်နယ်ဖင်လေး (Ronald Findlay) တို့အပြင် သမ္မတရဲ့ စီးပွားရေး အကြံပေး ဦးမြင့်တို့ ပါဝင်ကာ မြန်မာ့စီးပွားရေး တိုးတက်ဖို့အကြောင်းတွေ ဆွေးနွေးကြပါတယ်။ လက်ရှိ ပြောင်းလဲလာတဲ့ မြန်မာနိုင်ငံမှာ စီးပွားရေး ဖွံ့ဖြိုးဖို့ဆိုရင် တိုးတက်မှုတိုင်းမှာ တန်းတူညီမျှတဲ့ ခံစားပိုင်ခွင့်တွေ ရှိရမယ်ဆိုတဲ့ အချက်တွေနဲ့ ပြုပြင်ပြောင်းလဲရေးတွေကို စွန့်စွန့်စားစား လုပ်ဖို့တော့လိုမယ် ဆိုတဲ့ အချက်တွေကို အဲဒီ စီးပွားရေးပညာရှင်တွေက ဆွေးနွေးခဲ့ကြတယ်လို့ ဒီဟောပြောပွဲကို တက်ရောက်ခဲ့တဲ့ ဗဟုအဖွဲ့က ဒေါက်တာ တင်မောင်သန်းက ပြောပြပါတယ်။
“ဆရာ စတစ်ဂလစ်ပြောသွားတာတွေ အကုန်လုံကို ခြုံကြည့်လိုက်လို့ ရှိရင်တော့ နယ်ပယ်အသီးသီးမှာ ညီတူညီမျှ ခံစားနိုင်တဲ့ ဖွံ့ဖြိုးတိုးတက်မှုလည်း ဖြစ်ရမယ်။ ရေရှည် တည်တံ့နိုင်တဲ့ ဖွံ့ဖြိုးတိုးတက်မှု မျိုးလည်း ဖြစ်ရမယ်။ အဲဒီလို ဖွံ့ဖြိုးတိုးတက်ဖို့အတွက် လုပ်ရမယ့်လုပ်ငန်းစဉ်တွေ ရှိတယ်ဆိုပြီးတော့ လုပ်ငန်းစဉ် တော်တော်များများကို ပြောသွားတယ်ပေါ့လေ။ ဆရာ ရော်နယ်ဖင်လေး ကတော့ ၂၁ ရာစုအတွင်းထဲမှာ ကမ္ဘာ့စီးပွားရေးစနစ်ထဲကို မြန်မာနိုင်ငံ ၀င်ရောက်လာနိုင်မယ့် အလားအလာ ပြောတယ်။ အဲဒီတော့ မြန်မာနိုင်ငံရဲ့ စီးပွားရေးနဲ့ ပတ်သက်ပြီး အရင်တုန်းကကတည်းက မြန်မာနိုင်ငံဟာ သူများနိုင်ငံတွေနဲ့ စပြီးတော့ ပို့ကုန်တင်ပို့ရေး မူဝါဒကို မြန်မာ့စီးပွားရေး ပညာရှင်တွေက ပြောတဲ့အကြောင်းပေါ့နော်။ ကမ္ဘာ့စီးပွားရေး နယ်ထဲကို ဘယ်လိုများ ၀င်ရောက်နိုင်မလဲ ဆိုတဲ့ သူ့ရဲ့အမြင်ကို ဟောပြောသွားတယ်။ ဆရာ ဦးလှမြင့်ကတော့ ပြုပြင် ပြောင်းလဲရေးလုပ်ငန်းစဉ်တွေ မြန်မြန်မလုပ်သင့်ဘူး ဆိုတဲ့ အမြင်နဲ့ ဒီအမြင်နဲ့ပတ်သက်တဲ့ သူ့ရဲ့ ထင်မြင်ချက်ပေါ့။ ဒါကိုလည်း ဆရာဦးလှမြင့်က ပြောသွားတယ်။ ဒါကလည်း မှန်သင့်သလောက် မှန်တယ်။ မြန်မာနိုင်ငံဟာ နောက်ကျနေပြီ၊ အလျင်အမြန် လုပ်လိုက်တဲ့အတွက်ကြောင် အန္တရာယ် ရှိတာတွေတော့ မှန်တယ်။ ဒါပေမဲ့ အဲဒီအန္တရာယ်တွေကို စွန့်စားပြီး ယူရမယ်လို့ သူက သူ့သဘောထားကို ပြောသွားတယ်။”
ဒီဟောပြောပွဲမှာ ပါဝင်ခဲ့တဲ့ ဆရာဦးလှမြင့်နဲ့ ဆရာရော်နယ်ဖင်လေး တို့ဟာ မြန်မာနိုင်ငံမှာ စီးပွားရေး ပေါမောက္ခတွေအဖြစ် တာဝန်ယူခဲ့ကြသူတွေ ဖြစ်သလို ၁၉၆၉ ခုနှစ်နောက်ပိုင်း မြန်မာနိုင်ငံက ထွက်ခွာသွားကြပြီး နိုင်ငံခြားမှာ စီးပွားရေး ဘာသာရပ်တွေကို သင်ကြားပေးနေကြတဲ့ ပေါမောက္ခတွေလည်း ဖြစ်ပါတယ်။ အခု မြန်မာနိုင်ငံမှာ အရင် ၁၉၈၈ ခုနှစ်လွန် ကာလများထက်စာရင် စီးပွားရေးဟာ တစုံတရာ ပွင့်လင်းတိုးတက်လာမှုတွေ တွေ့ရပေမဲ့ ကျန်းမာရေးနဲ့ ပညာရေးတွေမှာ တိုးတက်မှု မရှိသေးတဲ့ အခြေအနေတွေအပြင် နိုင်ငံတစ်ခုရဲ့ ချမ်းသာကြွယ်ဝမှုကို ရေရှည် ဘယ်လို တည်တံ့အောင် ထိန်းထားမလဲ ဆိုတာနဲ့ပတ်သက်လို့လည်း စီးပွားရေးပညာရှင် စတစ်ဂလစ်က အကြံပေးသွားပါတယ်။
“မြန်မာနိုင်ငံရဲ့ စီးပွားရေးဟာ အခု အရမ်းချမ်းသာလာတဲ့သူတွေ ရှိတယ်။ တိုးတက်လာတဲ့သူတွေ ရှိတယ်။ တစုံတရာလည်း တိုင်းပြည်မှာ ၀င်ငွေရှိလာတယ်။ ၈၈ ကနဲ့ စာလို့ရှိရင်ပေါ့နော်။ ၈၈ မှာက အကြွေးတွေ တင်သွားပြီးတော့ မြန်မာနိုင်ငံမှာ နိုင်ငံခြား ရန်ပုံငွေရယ်လို့ မရှိသလောက် ဖြစ်နေရာက အခု မြန်မာနိုင်ငံမှာ နိုင်ငံခြား ရန်ပုံငွေတွေလည်း တော်တော်များများ ရှိလာတယ်။ ဒါပေမဲ့ အကွာအဟတွေက ကြီးမားလာနေတယ်။ ပညာရေး အနေအထားတွေက အရင်ခေတ်ကထက်စာရင် ပိုပြီးကျလာနေတယ်။ ကျန်းမာရေး စောင့်ရှောက်မှု ဆိုရင်လည်း ပြည်သူလူထုတရပ်လုံးဟာ အခမဲ့ ကျန်းမာရေး စောင့်ရှောက်မှုစနစ် ဆိုတာ ရှိတော့ရှိပါရဲ့၊ ဒါပေမဲ့ တကယ် ခံစားနိုင်လောက်အောင် မရှိတဲ့အဖြစ်တွေ ရှိလာတယ်။ တန်းတူညီမျှမှု မရှိတဲ့ အကျိုးမခံစားရတဲ့ သူတွေလည်း များလာတယ်။ စီးပွားရေး ဖွံ့ဖြိုးတိုးတက်မှုဟာ သဘာဝ အရင်းအမြစ်တွေကို ရောင်းလိုက်တဲ့အတွက်ကြောင့် နိုင်ငံခြား ၀င်ငွေတွေတော့ အများကြီး ရလာတယ်။ ဒါပေမဲ့ တိုင်းပြည်မှာရှိတဲ့ အရင်းအမြစ်တွေ ရောင်းတာကျတော့ မူလအရင်းအမြစ်တွေ ကုန်သွားတာလေ။ တကယ်တော့ ဒါက ဆင်းရဲသွားတာပေါ့နော်။ အဲဒီလို မဖြစ်ရအောင် မူဝါဒတွေကို မျှမျှတတ စဉ်းစားဖို့ ဒီသဘောမျိုးကို ဆရာ စတစ်ဂလစ်က အကြံပေးသွားတာပေါ့နော်။”
ဗဟုအဖွဲ့က ဦးတင်မောင်သန်းက စီးပွားရေး ပညာရပ်ဆိုင်ရာ ဟောပြောပွဲတွင်းက ဆွေးနွေးချက်တချို့ကို ပြန်ပြောခဲ့တာ ဖြစ်ပါတယ်။ ဒီလို ကောင်းမွန်တဲ့ အကြံပြုချက်တွေ ရှိပေမဲ့ နိုင်ငံရဲ့ တာဝန်ရှိသူတွေက ဘယ်လောက်ထိ အကောင်အထည် ဖော်နိုင်မလဲ ဆိုတဲ့အပေါ်မှာလည်း အရေးကြီးတယ်လို့ ဒီဟောပြောပွဲကို တက်ရောက်ခဲ့တဲ့ ၈၈ မျိုးဆက် ကျောင်းသားခေါင်းဆောင် ကိုကိုကြီးက သုံးသပ်ပါတယ်။
“ဖွံ့ဖြိုးတိုးတက်မှုကို အထောက်အကူပြုမယ့် ရင်းနှီးမြှုပ်နှံမှုမျိုးတွေ ပြန်မလုပ်နိုင်ဘူးဆိုရင် တိုင်းပြည်က ချမ်းသာပြီးတော့ လူတွေက ဆင်းရဲနေမှာပဲ ဆိုတာမျိုးပေါ့လေ။ သူတို့ရဲ့ အယူအဆတွေက လက်တွေ့နဲ့ တော်တော်ကို ထင်ဟပ်ပါတယ်။ ဒါပေမဲ့လို့ ဆရာတွေကတော့ ပြောသွားတာပဲ။ ယနေ့ ဖော်ဆောင်တဲ့သူတွေက ဘယ်လောက် အလေးအနက် ထားပြီးတော့ ဒါကို အကောင်အထည် ပေါ်အောင် လုပ်နိုင်မလဲဆိုတဲ့အပေါ်မှာပဲ မူတည်တယ်လို့ မြင်ပါတယ်။”
၈၈ မျိုးဆက် ကျောင်းသားခေါင်းဆောင် ကိုကိုကြီး ပြောသွားတာဖြစ်ပါတယ်။ ဒီဟောပြောပွဲကို မြန်မာနိုင်ငံ ကုန်သည်ကြီးများ အသင်းနဲ့ စီးပွားရေးဘွဲ့ရသူများ အသင်းက ပူးတွဲကျင်းပတာဖြစ်ပြီး ရန်ကုန်က UMFCCI မှာ ပြုလုပ်ခဲ့တာ ဖြစ်ပြီး လာရောက် နားထောင်သူပေါင်း နှစ်ထောင်နီးပါးလောက် ရှိတယ်လို့လည်း ဒီပွဲကို တက်ခဲ့သူတွေက ပြောပါတယ်။
ဆီးရီးယား စစ်တပ်ဗိုလ်ချုပ်တစ်ဦး လုပ်ကြံခံရ
By ဗွီအိုအေ (မြန်မာဌာန)
ဆီးရီးယားစစ်တပ်က အဆင့်မြင့် အရာရှိကြီးတစ်ဦး မြို့တော် ဒမတ်စကတ်မှာ သေနတ်နဲ့ ပစ်သတ်ခံလိုက်ရတယ်လို့ ဆီးရီးယား အစိုးရပိုင် သတင်းအေဂျင်စီက ပြောပါတယ်။
ဗိုလ်မှူးချုပ် Issa al-Khouli ကို စနေနေ့မနက်က သူ့အိမ်အထွက်မှာ သေနတ်သမား ၃ ယောက်က ပစ်သတ်လိုက်တာလို့ အစိုးရပိုင် SANA သတင်းဌာနက ပြောပါတယ်။ ဗိုလ်မှူးချုပ် Al-Khouli ဟာ ဆရာဝန်တစ်ဦးဖြစ်ပြီး ဒမတ်စကတ်မြို့က စစ်ဆေးရုံ အကြီးအကဲလည်း ဖြစ်ပါတယ်။ သူ့ကို ဘယ်သူ သတ်တယ်ဆိုတဲ့ ထုတ်ဖော် ပြောဆိုလာသူတော့ မရှိသေးပါဘူး။
အတိုက်အခံတွေရဲ့ ဒေသတွေကို အစိုးရ လုံခြုံရေးတပ်ဖွဲ့တွေက တင်းကျပ် ထိန်းချုပ်လာနေတာကြောင့် တိုင်းပြည်တ၀ှမ်း အခြေအနေတွေ တင်းမာနေပါတယ်။ တိုင်းပြည်တ၀ှမ်း စနေနေ့က ဖြစ်ပေါ်ခဲ့တဲ့ တိုက်ခိုက်မှုတွေကြောင့် အနည်းဆုံး လူ ၃၁ ဦးလောက် သေဆုံးခဲ့တယ်လို့ ဆီးရီးယား လူ့အခွင့်အရေး စောင့်ကြည့်ရေးအဖွဲ့က ဗွီအိုအေကို ပြောပါတယ်။
တော်လှန် ပုန်ကန်နေသူတွေကို အစိုးရတပ်တွေက ထိုးစစ်ဆင် တိုက်ခိုက်နေတာကြောင့် လွန်ခဲ့တဲ့ သီတင်းပတ်အတွင်း ဟုမ်းစ် (Homs) မြို့ တမြို့ထဲမှာတင် လူပေါင်း ၃၀၀ လောက် သေဆုံးခဲ့တယ်လို့ လူ့အခွင့်အရေး လှုပ်ရှားသူတွေက ပြောပါတယ်။
မြို့တော် ဒမတ်စကတ်နဲ့ တောင်ပိုင်း ဒိုးမား (Douma) မြို့တွေမှာ ဆီးရီးယား လွတ်မြောက်ရေး တပ်တွေနဲ့ အစိုးရတပ်ဖွဲ့တွေအကြား စနေနေ့ညက တိုက်ပွဲတွေ နာရီပေါင်းများစွာ ဖြစ်ပွားခဲ့တယ်လို့ ဆိုပါတယ်။ အခုဖြစ်ပေါ်နေတဲ့ တော်လှန် ပုန်ကန်မှုတွေကို လက်နက်ကိုင် သောင်းကျန်းသူတွေက ဦးဆောင် ပြုလုပ်နေတာလို့ အစိုးရဘက်က အပြစ်တင် ပြောဆိုနေပါတယ်။
အိမ်နီးချင်း လက်ဘနွန်နိုင်ငံအတွင်းက ထရီပိုလီမြို့မှာလည်း ဆီးရီးယားအစိုးရကို ထောက်ခံတဲ့ Alawites မူစလင် ဂိုဏ်းကွဲတွေနဲ့ အတိုက်အခံတွေကို ထောက်ခံတဲ့ ဆူနီ ဂိုဏ်းကွဲတွေအကြား စနေနေ့က တိုက်ပွဲတွေ ဖြစ်ပွားခဲ့တဲ့အတွက် အနည်းဆုံး လူ ၂ ဦးလောက် သေဆုံးခဲ့တယ်လို့ ဆိုပါတယ်။
မူဘာရက်ပြုတ်ကျတဲ့ တစ်နှစ်ပြည့် ဆန္ဒပြပွဲများ ပါဝင်သူနည်း
By ဗွီအိုအေ (မြန်မာဌာန)
အီဂျစ်သမ္မတ ဟိုစနီမူဘာရက် (Hosni Mubarak) ရာထူးက ပြုတ်ကျသွားတဲ့ တစ်နှစ်ပြည့် အထိမ်းအမှတ်အဖြစ် တက်ကြွလှုပ်ရှားသူတွေ စနေနေ့က အီဂျစ်နိုင်ငံတ၀ှမ်း ချီတက် ဆန္ဒပြခဲ့ကြပါတယ်။ ဒါပေမဲ့ လာရောက် ပါဝင်သူ အရေအတွက်ဟာ မျှော်လင့်ထားသလောက် မများလှပါဘူး။
တော်လှန်ပုန်ကန်တဲ့နေ့အဖြစ် သတ်မှတ်ပြုလုပ်ခဲ့တဲ့ ဒီ ဆန္ဒပြပွဲတွေအတွင်း စစ်အုပ်ချုပ်ရေး ကောင်စီအနေနဲ့ အရပ်သားအစိုးရကို အာဏာလွှဲပြောင်းပေးဖို့ တောင်းဆိုခဲ့ကြပါတယ်။ တတိုင်းပြည်လုံး အတိုင်းအတာနဲ့ တော်လှန် ပုန်ကန်ကြဖို့ ဦးဆောင် လှုပ်ရှားသူတွေက တောင်းဆိုခဲ့ပေမဲ့ ပါဝင်ဆင်နွှဲသူ အရေအတွက် အတော်လေးနည်းနေပြီး ကိုင်ရိုမြို့က တဟီရာ (Tahrir) ရင်ပြင်ကို ရောက်လာသူ အရေအတွက်ဟာလည်း သိသိသာသာ နည်းနေတာကို တွေ့ရပါတယ်။
စနေနေ့မှာပဲ လူတွေ ဆန္ဒပြပွဲမှာ ပါဝင် ဆင်နွှဲဖို့ ငွေပေးပြီး အားပေးအားမြောက် လုပ်ခဲ့တဲ့တယ်ဆိုတဲ့ စွပ်စွဲချက်တွေနဲ့ သြစတြေးလျ သတင်းထောက်တစ်ယောက်၊ အမေရိကန် ကျောင်းသားတစ်ယောက်နဲ့ သူတို့ရဲ့ ဘာသာပြန်တို့ကို Mahalla မြို့မှာ အီဂျစ် ရဲတပ်ဖွဲ့က ဖမ်းဆီးလိုက်ပါတယ်။
အီဂျစ်နိုင်ငံထဲက အစိုးရမဟုတ်တဲ့ NGO အဖွဲ့အစည်းတွေကို နိုင်ငံခြား တိုင်းပြည်တွေက တရားမ၀င် ငွေကြေးထောက်ပံ့မှုတွေ လုပ်ခဲ့တယ်ဆိုတဲ့ စွပ်စွဲချက်တွေနဲ့ အမေရိကန်နဲ့ အီဂျစ်အကြား ဆက်ဆံရေးတွေ တင်းမာနေတဲ့ကြားမှာပဲ အမေရိကန် စစ်ဘက် ထိပ်တန်း ဗိုလ်ချုပ်ကြီးတစ်ဦးနဲ့ အီဂျစ် စစ်အုပ်ချုပ်ရေးအဖွဲ့ အကြီးအကဲတို့ ကိုင်ရိုမြို့မှာ တွေ့ဆုံနေတဲ့အချိန် အခုလို ဖမ်းဆီးမှုအသစ်တွေ ဖြစ်ပေါ်လာတာပါ။
အမေရိကန်နိုင်ငံသား ၁၉ ယောက်အပါအ၀င် ပြည်တွင်း ပြည်ပက တက်ကြွလှုပ်ရှားသူ ၄၃ ယောက်ကို အီဂျစ်အစိုးရက ရာဇ၀တ်မှုတွေနဲ့ စွဲချက်တင်ထားတာပါ။ အီဂျစ်နိုင်ငံအရေးမှာ ၀င်ရောက် နှောက်ယှက်တယ်ဆိုပြီး နိုင်ငံခြားအဖွဲ့အစည်းတွေကို အီဂျစ်အစိုးရက စွပ်စွဲ ပြောဆိုနေတာပါ။ အခုလို ဖမ်းဆီးမှုတွေ၊ စွပ်စွဲ ပြောဆိုမှုတွေကြောင့် အမေရိကန်က အီဂျစ်ကိုပေးမယ့် ဒေါ်လာ ၁ ဒဿမ ၃ ဘီလီယံ တန်ဖိုးရှိတဲ့ စစ်ဘက်ဆိုင်ရာ အကူအညီတွေကို ပြန်လည် သုံးသပ်ဖို့အထိ ဖြစ်လာခဲ့တာ ဖြစ်ပါတယ်။
ဒေါ်စု ကော့မှူးရောက်
By မသင်းသီရိ
ပြည်သူလူထုကို လွယ်လွယ် ကတိမပေးဘဲ မှန်မှန်ကန်ကန်နဲ့ ပြည်သူတွေရဲ့ ထောက်ခံမှု ယူသွားမယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒီကနေ့ ကော့မှူးမြို့နယ်ကို ကိုယ်စားလှယ်လောင်း စည်းရုံးရေးအဖြစ် သွားစဉ်အတွင်း ၀ါးသိင်္ခရွာမှာ လူထုကို အခုလို ပြောလိုက်တာဖြစ်သလို မြို့နယ်တွင်း အလုပ်လက်မဲ့ ဖြစ်နေတဲ့ ပြဿနာတွေကိုလည်း အရင်ဖြေရှင်းပေးရေးဟာ ပထမဆုံး တာဝန်တစ်ခု ဖြစ်တယ်လို့လည်း ပြောသွားပါတယ်။ ဒေါ်အောင်ဆန်းစုကြည်ရဲ့ ဒီကနေ့ ကော့မှူးခရီးစဉ်အကြောင်း မသင်းသီရိက တင်ပြထားပါတယ်။
ဒီကနေ့ ဖေဖော်ဝါရီ ၁၁ ရက် စနေနေ့မနက်က ဒေါ်အောင်ဆန်းစုကြည်ဟာ ပထမဆုံး ကိုယ်စားလှယ်လောင်း စည်းရုံးရေးခရီးစဉ် အဖြစ် သူရဲ့ မဲဆန္ဒနယ်မြေ ဖြစ်တဲ့ ကေားမှူးကိုသွားတာပါ။ လမ်းမှာ ကွမ်းခြံကုန်းမြို့နယ်ထဲက ၀ါးသိင်္ခရွာမှာ တထောက် နားပြီး လာကြိုကြတဲ့ လူထုကို ဒေါ်အောင်ဆန်းစုကြည်က စကားပြောခဲ့ပါတယ်။ အထူးသဖြင့် ပြည်သူလူထုကို လွယ်လွယ်ကူကူ ကတိတွေမပေးဘဲ မှန်ကန်စွာ ပြောဆိုဆက်ဆံကာ လူထုရဲ့ ထောက်ခံမှုကို ယူမယ်လို့ ဒေါ်အောင်ဆန်းစုကြည်က အခုလိုပြောပါတယ်။
“ကျမတို့ရဲ့ အဖွဲ့ချုပ်ဝင်တွေကို မှာပါတယ်။ ပြည်သူတွေကို ကတိတွေ လွယ်လွယ် မပြောပါနဲ့။ ဟိုဟာလုပ်ပေးမယ်၊ ဒီဟာလုပ်ပေးမယ် ဆိုပြီးတော့ ပြည်သူတွေရဲ့ ထောက်ခံမှုကို မတောင်းဆိုပါနဲ့။ မှန်မှန်ကန်ကန် ဖြောင့်ဖြောင်မတ်မတ် ပြည်သူတွေအပေါ်မှာ ဆက်ဆံပါ။ လေးစားပါ။ ပြည်သူကို မှန်မှန်ကန်ကန် မပြောဘူးဆိုတာဟာ ပြည်သူကို မလေးစားရာ ရောက်ပါတယ်။ ဒါကြောင့်မိုလို့ ကျမတို့က မှန်မှန်ကန်ကန်ပဲ ပြောချင်ပါတယ်။ ကျမတို့ရှေ့မှာ ရင်ဆိုင်ရမယ့် အခက်အခဲတွေက မနည်းပါဘူး။ ဒါကြောင့်မိုလို့ ရင်ဆိုင်ရမယ့် ရှေ့က အခက်အခဲတွေ အားလုံးကို ကျမတို့ အတူ ကျော်လွှားဖို့ ကြိုးစားကြပါ။ အားအင်ဖြည့်ကြပါ။ ကျမတို့က ပြည်သူတွေကို လေးစားသလို တန်ဖိုးထားသလို ပြည်သူတွေကလည်း ကျမတို့အပေါ်မှာ ယုံကြည်မှု ပေးပါလို့ ကျမက တောင်းခံချင်ပါတယ်။”
နိုင်ငံတ၀ှမ်းလုံးမှာရော အခု သူရောက်နေတဲ့ ကော့မှူးမြို့နယ်ထဲမှာပါ အလုပ်လက်မဲ့ ဖြစ်နေတဲ့ ပြဿနာဟာ အရေးတကြီး ဖြေရှင်းရမယ့် အဆင့် ဖြစ်နေတယ်လို့လည်း ပြောခဲ့ပါတယ်။
“ကျမတို့ နားလည်သလောက်ကတော့ ကော့မှူးမြို့နယ်မှာတင် အရေးကြီးဆုံး ကိစ္စကတော့ အလုပ်အကိုင် မရှိခြင်းပါပဲ။ အလုပ်အကိုင်ကို ပြည်သူတွေအတွက် လုံလုံလောက်လောက် ရှိအောင် လုပ်ပေးရမှာဟာ ပထမဦးဆုံး တာဝန်ဖြစ်တယ်ဆိုတာ ကျမတို့ နားလည်ပါတယ်။ ဘယ်လို အလုပ်အကိုင်မျိုးလဲ ဆိုတာကတော့ ကျမတို့ လေ့လာကြည့်တဲ့အခါမှာ ကော့မှူးမြို့နယ်မှာဆိုရင် ဘွဲ့ရပြီးသား လူငယ်များဟာ အများစုက အခုထက်ထိ အလုပ်အကိုင် မရှိသေးဘူးဆိုတာ ကျမတို့ သိရပါတယ်။ ဆိုတော့ ဘွဲ့ရလူငယ်တွေရော၊ ဘွဲ့မရသေးတဲ့ လူငယ်တွေရော အလုပ်လုပ်ကိုင်ဖို့ဟာ ပထမဦးစားပေး ပြီးတော့ ကျမတို့ အမျိုးသား ဒီမိုကရေစီအဖွဲ့ချုပ်က လုပ်သင့်တယ်လို့ ဒီလိုပဲ ကျမတို့ ခံယူပါတယ်။”
အဆုံးမရှိ လုပ်နေကြရတဲ့ နိုင်ငံရေးထဲမှာ လူထုရဲ့ ထောက်ခံမှုဟာ အဓိက ဖြစ်တယ်လို့လည်း ဒေါ်အောင်ဆန်းစုကြည်က ဆိုပါတယ်။
“နိုင်ငံရေး လုပ်တယ်ဆိုတာဟာ ရေရှည်လုပ်ငန်းပါ။ နိုင်ငံ့ရဲ့အရေး ဆိုတာ ဘယ်တော့မှ အဆုံးမရှိပါဘူး။ အရေးက တစ်ခုမဟုတ် တစ်ခု အမြဲ ရှိနေမှာပါပဲ။ အဲဒီတော့ ချက်ချင်းလက်ငင်း ကျမတို့ ပြည်သူတွေအတွက် ဘာတွေ အရေးကြီးလဲ ဆိုတာဟာ ပြည်သူတွေနဲ့ တိုင်ပင်ပြီးတော့ ကျမတို့က ဆုံးဖြတ်ရမှာ ဖြစ်ပါတယ်။ ဒါကြောင့်မိုလို့ ကျမတို့နားမှာ အောင်မြင်ပါစေလို့ ဆုတောင်းပေးတဲ့ ပြည်သူတွေက တကယ်ပဲ အောင်မြင်စေချင်ရင် ကိုယ်တိုင် ပါဝင်ပြီးတော့ ကျမတို့ကို အားအင်ဖြည့်ပေးကြပါလို့ ကျမက မေတ္တာ ရပ်ခံချင်ပါတယ်။”
ဒါကတော့ ဒီကနေ့ နေ့လယ် ၂ နာရီက ၀ါးသိင်္ခရွာမှာ ဒေါ်အောင်ဆန်းစုကြည် လူထုကို ပြောခဲ့တဲ့ မိန့်ခွန်းထဲက တစိတ်တပိုင်း ဖြစ်ပါတယ်။ လှိုင်သာယာကနေ တွံတေးမြို့ကို ဖြတ်ကာ ကွမ်းခြံကုန်းနဲ့ ကော့မှူးမြို့ကိုသွားတဲ့ လမ်းတလျှောက် ထောင်နဲ့ချီတဲ့ ဒေသခံလူထုတွေက ကြိုဆိုကြတယ်လို့ ဒီခရီးစဉ်အတွင်း လိုက်ပါ သတင်းယူနေတဲ့ ပြည်တွင်းသတင်းထောက် တစ်ဦးကလည်း အခုလို ပြောပြပါတယ်။
“၀မ်းပန်းတသာနဲ့ပေါ့ဗျာ။ ဒီဘက်ကလူတွေက ဒေါ်အောင်ဆန်းစုကြည်ကို တစ်ခါမှ မြင်မှမမြင်ဘူးသေးတာ။ NLD ရဲ့ အလံလေးတွေ ကိုင်ပြီးတော့၊ နောက်ပြီးတော့ သူ့ရဲ့ ဓာတ်ပုံလေးတွေ ရင်ဘက်မှာ ချိတ်တယ်။ NLD တံဆိပ်တွေကို ပါးလေးတွေမှာ စတစ်ကာလေးတွေ ကပ်တယ်။ ကလေး လူကြီး လူငယ် အစုံပဲ၊ နောက် သံဃာတော်တွေလည်း ပါတယ်ခင်ဗျ။
လမ်းပန်းခရီးက ခက်ခဲတယ်ခင်ဗျ။ အဲဒီက မြို့ပေါ်ကနေ ၀ါးသိင်္ခရွာထဲကို ဘယ်လောက် ရောက်မလဲဆိုရင် ၁၅ မိုင် ရှိတယ်ဗျ။ အဲဒီလမ်းကြီးက ဖုန်လမ်းကြီး။ တကယ့် တောလမ်း လှည်းလမ်းကြီး။ အဲဒါကြီးကို သွားရတာ။”
ပြည်တွင်း သတင်းထောက်တစ်ဦး ပြောပြခဲ့တာ ဖြစ်ပါတယ်။ ဒေါ်အောင်ဆန်းစုကြည်ဟာ နေ့ချင်းပြန်ခရီးအဖြစ် ကော့မှူးမြို့ကို ကိုယ်စားလှယ်လောင်း စည်းရုံးရေးခရီး သွားခဲ့တာဖြစ်ပြီး ဒီကနေ့ ည ၈ နာရီခွဲကျော်မှာ ရန်ကုန်ကို ပြန်ရောက်ပါတယ်။ ဒေါ်အောင်ဆန်းစုကြည်ဟာ ဧပြီလ ၁ ရက်နေ့မှာလုပ်မယ့် ကြားဖြတ် ရွေးကောက်ပွဲမှာ ပြည်သူ့လွှတ်တော် တစ်နေရာကနေ ကော့မှူးမြို့မှာ ၀င်ရောက် ယှဉ်ပြိုင်မှာဖြစ်သလို နိုင်ငံတ၀ှမ်း လစ်လပ်နေရာ ၄၈ နေရာစလုံးကို NLD ပါတီက ၀င်ပြိုင်မှာလည်း ဖြစ်ပါတယ်။
ရုပ်ရှင်ထဲမှာ မြင်ရမယ့် ရန်ကုန်တက္ကသိုလ်နဲ့ ဖွင့်လှစ်တော့မယ့် ဗိုလ်ချုပ်ရုပ်ရှင် ရုံးခန်း
မစပ်စု on February 11,
ရန်ကုန်တက္ကသိုလ်ကို ရုပ်ရှင်တွေထဲ ပြန်မြင်ရတော့မလား
မြန်မာ့ရုပ်ရှင်၊ ဗီဒီယို ဇာတ်ကားတွေကို ကြည့်လိုက်ရင် တက္ကသိုလ်နဲ့ ပတ်သက်တဲ့ ရိုက်ကွင်း ရိုက်ကွက်တွေ၊ ကျောင်းသားကျောင်းသူတွေရဲ့ ပုံရိပ်တွေကို ပြမယ်ဆိုရင်တော့ ဘယ်နေရာမှ သွားမရှာလေနဲ့၊ လှိုင်မြို့နယ်မှာရှိတဲ့ MICT Park ၀န်းထဲမှာ ဖြစ်ချင်ဖြစ် ဒါမှမဟုတ် ယခင်က ယဉ်ကျေးမှုတက္ကသိုလ် ယခု အမျိုးသားယဉ်ကျေးမှုနဲ့ အနုပညာတက္ကသိုလ် ဝန်းထဲမှာသာ ဖြစ်ပါလိမ့်မယ်။
အရာရာပြောင်းလဲ လွတ်လပ်လာပြီလို့ ဆိုရမယ့် မြန်မာနိုင်ငံအနေနဲ့ မကြာသေးခင်က ရန်ကုန် တက္ကသိုလ် ၀န်းအတွင်း ရုပ်ရှင်ဇာတ်ကားတွေ ရိုက်ကူးခွင့်ပြုတော့မယ်လို့ ရန်ကုန်တိုင်းဒေသကြီး အစိုးရအဖွဲ့ ထံကနေ သိရတယ်လို့ ပြည်တွင်းထုတ် Transport ဂျာနယ်မှာ ရေးသားထားပါတယ်။
ယခင်က ရုပ်ရှင်ဇာတ်ကားတွေထဲမှာ ပါဝင်တဲ့ တချို့မြင်ကွင်းတွေဟာ ရန်ကုန်တက္ကသိုလ်ရဲ့ ဂုဏ်ကျက်သရေကို ထိခိုက်စေနိုင်တဲ့ ရိုက်ကွင်းရိုက်ကွက်တွေဖြစ်လို့ ရန်ကုန်တက္ကသိုလ်ဝန်းထဲမှာ ရိုက်ကူးခွင့်မရခဲ့တာလို့ သိရပါတယ်။
0 comments:
Post a Comment