13.02.2012 နေ့ဖတ်ရန်သတင်းများ စုစည်းမှု

 

သူ့ကို အစ္စလာမ်တရားရုံးတခုမှာ တရားစီရင်ဖို့ ဘာသာရေး ကျောင်းသားတွေက တောင်းဆိုဆော်ဒီ သတင်းထောက်ကို မလေးရှားက ပြန်ပို့

မလေးရှား နိုင်ငံကို ထွက်ပြေးလာတဲ့ ဆော်ဒီ သတင်းထောက် တဦးကို မလေးရှား အာဏာပိုင် တွေက ဆော်ဒီ အာရေဗျကို ပြန်ပို့လိုက်ပြီ ဖြစ်ပါ တယ်။
ဒီသတင်းထောက်ဟာ တမန်တော် မိုဟာမက် အပေါ် မှတ်ချက်ပေး ရေးသားမှု တချို့ ပြုလုပ်ခဲ့ တာကြောင့် ဆော်ဒီ အာဏာပိုင်တွေက သူ့ကို အလိုရှိနေတာ ဖြစ်ပါတယ်။
ဟမ်ဇာ ကက်ရ်ှဂါရီ လို့အမည်ရတဲ့ ဒီသတင်းထောက်ဟာ သူ့ရဲ့မှတ်ချက်တွေကို အွန်လိုင်း လူမှုဝက်ဆိုက်ဖြစ်တဲ့ တွစ်တာမှာ တင်ခဲ့ပြီးနောက် သူ့ကို ကွပ်မျက်ရမယ် ဆိုတဲ့ အသံတွေ ထွက်လာတာကြောင့် ဆော်ဒီ အာရေဗျကနေ မလေးရှားကို ထွက်ပြေးသွားခဲ့တာ ဖြစ်ပါတယ်။
သူဟာ တမန်တော်ကို စော်ကားခဲ့တယ်ဆိုပြီး ဆော်ဒီ ဘာသာရေး ကျောင်းသားတွေက သူ့ကို အစ္စလာမ်တရားရုံးတခုမှ တရားစီရင်ဖို့ တောင်းလိုက်ပါတယ်။
အခုလို စော်ကားတယ်ဆိုတဲ့ အမှုဟာ ဆော်ဒိအာရေဗျနိုင်ငံမှာ သေဒဏ်ကျခံ နိုင်တဲ့ ပြစ်မှု ဖြစ်ပါတယ်။
အမှုကို မကြားနာခင် သူ့ကို မလေးရှားမှာပဲ နေခွင့်ရှိတယ်လို့ တရားရုံးက အမိန့်ချ ထားတယ် လို့ သူ့ရဲ့ရှေ့နေက ပြောပေမယ့်၊ အခုတော့ သူ့ကို ပြန်ပို့လိုက်ပြီး　ဖြစ်နေ ပါတယ်။

ကမ္ဘာကျော် အဆိုတော် Whitney Houston ကွယ်လွန်
၁၉၈၀ နဲ့ ၉၀ ခုနှစ်တွေ အတွင်း သီချင်း စီးရီးပေါင်း များစွာ သီဆိုထုတ်လုပ်ခဲ့
အမေရိကန်က ကမ္ဘာ့ကျော် အဆိုတော် လည်း ဖြစ်၊ သရုပ်ဆောင်လည်း ဖြစ်သူ အသက် ၄၈ နှစ်အရွယ် Whitney Houston တယောက် ကွယ်လွန်သွားပြီ ဖြစ်ပါတယ်။
လော့အိန်ဂျလိစ် ပြည်နယ် ဘယ်ဗလီဟေးလ်စ် မြို့က သူတည်းခိုနေတဲ့ ဟော်တယ် အခန်းထဲမှာ သေဆုံး နေတာကို တွေ့ရှိခဲ့ရတာ ဖြစ်ပါတယ်။
Whitney Houston ဟာ ၁၉၈၀ နဲ့ ၉၀ ခုနှစ်တွေ အတွင်း သီချင်း စီးရီးပေါင်းများစွာ သီဆို အသံသွင်း ထုတ်လုပ်ခဲ့ပြီး၊ သူ့သီချင်းခွေတွေဟာ အရောင်းရဆုံး ဖြစ်ခဲ့ပါတယ်။
''I will always love you'' ဆိုတဲ့　သီချင်းကတော့ ကမ္ဘာပေါ်မှာ လူ့သိအများဆုံးသော သူ့ရဲ့ သီချင်းတပုဒ် ဖြစ်ပါတယ်။
၁၉၉၀ ခုနှစ် နောက်ပိုင်းမှာတော့ သူဟာ မူးယစ်ဆေးဝါးနဲ့ အရက်ကို စွဲသွားခဲ့ပါတယ်။
Whitney Houston ဟာ ဂီတဘက်မှာ မှတ်ချက်ပြုလောက်အောင်ကို အံ့သြဖွယ်ကောင်းပြီး အရည်အချင်း ရှိတဲ့ အနုပညာရှင်တဦး ဖြစ်တယ်လို့ မိုတောင်း သီချင်း ထုတ်လုပ်တဲ့ ကုမ္ပဏီကို တည်ထောင်သူ ဘာရီဂေါ်ဒီက ပြောပါတယ်။

မီးရှို့ဆန္ဒပြသူ တိဘက်သီလရင် သေဆုံး
By ဗွီအိုအေ (မြန်မာဌာန)
အသက် ၁၈ နှစ်အရွယ် တိဘက်လူမျိုး ဗုဒ္ဓဘာသာဝင် မယ်သီလရှင် တစ်ပါးဟာ တရုတ်နိုင်ငံ အနောက်ပိုင်း စီချွမ်ပြည်နယ်မှာ ကိုယ့်ကိုယ်ကို မီးရှို့ ဆန္ဒပြ သတ်သေသွားခဲ့ပါတယ်။ Tenzin Choedon လို့ အမည်ရတဲ့ တိဘက်ဗုဒ္ဓဘာသာ မယ်သီလရှင်ရဲ့ ရုပ်အလောင်းကို တရုတ်လုံခြုံရေး တပ်ဖွဲ့တွေက ချက်ချင်း လာသိမ်းသွားခဲ့တယ်လို့ တိဘက် တက်ကြွလှုပ်ရှားသူတွေက ပြောပါတယ်။
တိဘက်အရှေ့ပိုင်း Aba ပြည်နယ်မှာရှိတဲ့ သီလရင် Tenzin Choedon သီတင်းသုံးခဲ့တဲ့ ကျောင်းတိုက်ကို ချက်ချင်း ချိတ်ပိတ်ခံခဲ့ရတယ်လို့လည်း သိရပါတယ်။ သီလရင် Tenzin Choedon သေဆုံးမှုအပြီး ကိုယ့်ကိုယ်ကို မီးရှို့ဆန္ဒပြ သေကြောင်းကြံခဲ့တဲ့ တိဘက်ပြည်သူ အရေအတွက် စုစုပေါင်း တစ်ဒါဇင်ကျော်သွားပြီ ဖြစ်ပါတယ်။
၂၀၀၈ ခုနှစ်ကတည်းက အဆိုးဆုံး အခြေအနေရောက်ခဲ့တဲ့ တရုတ်ပြည်လက်အောက် တိဘက်ဒေသက တရုတ်ဆန့်ကျင် ဆန္ဒပြပွဲတွေဟာ ခုလပိုင်းတွေအတွင်း ပိုပြီး သိသိသာသာ များပြားလာခဲ့ပါတယ်။ ပြည်ပရောက် တိဘက်ဘာသာရေး ခေါင်းဆောင် ဒလိုင်းလားမား နဲ့ လန်ဒန် အခြေစိုက် တိဘက်လွတ်မြောက်ရေး လှုပ်ရှားမှုအဖွဲ့တွေကြောင့် ခုလို လူထုအုံကြွမှုတွေ ဖြစ်ရတာလို့ တရုတ်အစိုးရက စွပ်စွဲပြောဆိုပါတယ်။ ၁၉၅၀ ခုနှစ်ကာလတွေကတည်းက တိဘက်ဒေသကို တရုတ်နိုင်ငံက အုပ်ချုပ်လာခဲ့တာ ဖြစ်ပါတယ်။

ဆီးရီးယားအရေး စောင့်ကြည့်မှုအဖွဲ့ ခေါင်းဆောင် နုတ်ထွက်
By ဗွီအိုအေ (မြန်မာဌာန)
အာရပ်အဖွဲ့ချုပ်က စေလွှတ်ထားတဲ့ ဆီးရီးယားနိုင်ငံ အခြေအနေ စောင့်ကြည့်ရေးအဖွဲ့ခေါင်းဆောင် ဆူဒန်နိုင်ငံက ဗိုလ်ချုပ်ကြီး Mohammed al-Dabi ရဲ့ နုတ်ထွက်လွှာကို လက်ခံလိုက်ပြီးတော့ ဂျော်ဒန်နိုင်ငံခြားရေးဝန်ကြီးဟောင်း Abdel Elah al-Khatib ကို ဒီအဖွဲ့ရဲ့ ခေါင်းဆောင်နေရာမှာ အစားထိုး ခန့်အပ်ဖို့ အဖွဲ့ဝင် ၂၂ နိုင်ငံပါဝင်တဲ့ အာရပ်အဖွဲ့ချုပ်ရဲ့ နိုင်ငံခြားရေးဝန်ကြီးတွေရဲ့ ကိုင်ရိုမြို့တော်မှာ ဒီကနေ့ကျင်းပမယ့် ဆွေးနွေးပွဲမှာ စဉ်းစားကြမယ်လို့ အာရပ်အဖွဲ့ချုပ်ရဲ့ အရာရှိတွေက ဒီကနေ့ ပြောဆိုလိုက်ပါတယ်။
လက်ဘနွန်နိုင်ငံ ဆိုင်ရာ ကုလသမဂ္ဂရဲ့ အထူးသံတမန် တာဝန်ကိုလည်း ထမ်းဆောင်ခဲ့သူ Mr. al-Khatib ကို ဆီးရီးယားအရေး စောင့်ကြည့်လေ့လာရေး အတွက် အသစ်ပြန်လည် ဖွဲ့စည်းမယ့် ညီညွတ်သော အာရပ်နိုင်ငံများ ပူးတွဲအဖွဲ့မှာ ခေါင်းဆောင်အဖြစ် ခန့်အပ်ဖို့ အာရပ်အဖွဲ့ချုပ်ဥက္ကဋ္ဌ Nabil Elaraby ကိုယ်တိုင် ဒီကနေ့ ကိုင်ရိုမြို့က အစည်းအဝေးမှာ အဆိုတင်သွင်းမှာ ဖြစ်ပါတယ်။ ဒါ့အပြင် တူရကီနိုင်ငံ Istanbul  မြို့မှာ အခြေစိုက်တဲ့ ဆီးရီးယား အတိုက်အခံတွေရဲ့ ဆီးရီးယားအမျိုးသားကောင်စီကို အာရပ်အဖွဲ့ချုပ်က အသိအမှတ်ပြုရေးကိုလည်း ဒီအစည်းအဝေးမှာ ဆွေးနွေးကြမှာပါ။
ဆီးရီးယားသမ္မတ Bashar al-Assad အစိုးရက ၁၁ လ ကြာမြင့်နေပြီ ဖြစ်တဲ့ ဖိနှိပ်သတ်ဖြတ်မှုတွေကို ရပ်စဲပေးဖို့ ငြင်းဆန်နေတာကို ကန့်ကွက်တဲ့အနေနဲ့ ပါရှန်ပင်လယ်ကွေ့ နိုင်ငံများအဖွဲ့က ဆီးရီးယားကို စေလွှတ်ထားတဲ့ သူတို့ရဲ့ စောင့်ကြည့်လေ့လာရေး အဖွဲ့ကို ပြန်ပြီး ရုပ်သိမ်းခဲ့ပါတယ်။ မနေ့က စနေနေ့မှာ အတိုက်အခံတွေ အားကောင်းရာ ဆီးရီးယားအလယ်ပိုင်းက ဟုမ်းစ် မြို့မှာ အစိုးရတပ်တွေရဲ့ ပစ်ခတ် သတ်ဖြတ်မှုတွေကြောင့် အနည်းဆုံး လူ ၁၀ ဦး သေဆုံးသွားခဲ့ရပါတယ်။

ကုလထိန်းသိမ်းရေးတပ် ဆီးရီးယား စေလွှတ်ဖို့ အာရပ်အဖွဲ့ချုပ် တောင်းဆို
By ဗွီအိုအေ (မြန်မာဌာန)
အာရပ်အဖွဲ့ချုပ်ဟာ ဆီးရီးယားနိုင်ငံမှာ ဖြစ်ပွားနေတဲ့ ပဋိပက္ခတွေ ရပ်ဆိုင်းသွားစေရေး ထပ်မံ ကြိုးပမ်းနေရာမှာ ဆီးရီးယား အတိုက်အခံအဖွဲ့နဲ့ အဆက်အသွယ် ပြုလုပ်ဖို့ တညီတညွတ်တည်း သဘောတူခဲ့ကြသလို ကုလသမဂ္ဂ လုံခြုံရေး ကောင်စီကိုလည်း ဆီးရီးယားနိုင်ငံကို စေလွှတ်ဖို့အတွက် ပူးတွဲ ငြိမ်းချမ်းရေးတပ်ဖွဲ့ ဖွဲ့စည်းဖို့ တောင်းဆိုလိုက်ပါတယ်။ အဲဒီအာရပ်အဖွဲ့ချုပ်ရဲ့ ဆုံးဖြတ်ချက်ကို ဆီးရီးယား အစိုးရက ချက်ချင်းပယ်ချလိုက်ပါတယ်။
ထောင်နဲ့ချီတဲ့ ပြည်သူတွေကို သတ်ဖြတ်ခဲ့မှုကြောင့် ဆီးရီးယားကို အဖွဲ့ဝင်အဖြစ်ကနေ ရပ်စဲထားခဲ့တဲ့ ၂၂ ဦးပါ အာရပ်အဖွဲ့ချုပ်က ၀န်ကြီးတွေဟာ ကိုင်ရိုမြို့မှာ တနင်္ဂနွေနေ့က ဆွေးနွေးခဲ့ကြပြီးတဲ့နောက် အငြင်းပွားစရာ ဖြစ်နေတဲ့ ဆီးရီးယားကို စေလွှတ်တဲ့ အဖွဲ့ချုပ်ရဲ့ လေ့လာ အကဲခတ်အဖွဲ့ကို ရပ်တန့်လိုက်ဖို့ ကြေညာလိုက်ပါတယ်။
နောက်ပြီး အဖွဲ့ချုပ်ဟာ ဆီးရီးယား အတိုက်အခံနဲ့ ဆက်သွယ်ရေး လမ်းကြောင်း ဖွင့်လှစ်ပြီး အပြည့်အ၀ နိုင်ငံရေးနဲ့ ငွေရေးကြေးရေး အကူအညီပေးဖို့ ကမ်းလှမ်းမယ်လို့ ပြောဆိုလိုက်ပါတယ်။
သဘောထား ကွဲလွဲမှုတွေ ရှိနေတဲ့ ဆီးရီးယားနိုင်ငံက အတိုက်အခံတွေကိုလည်း ဖေဖေါ်ဝါရီလ ၂၄ ရက်နေ့ တူနီးရှားနိုင်ငံမှာ ကျင်းပမယ့် ဆီးရီးယား မိတ်ဆွေများ အစည်းအဝေး မတိုင်ခင် ညီညွတ်မှုရအောင် လုပ်ကြဖို့ တိုက်တွန်းထားပါတယ်။ တူနီးရှားနိုင်ငံက အစည်းအဝေးကို အမေရိကန်ပြည်ထောင်စု၊ ဥရောပနိုင်ငံတွေနဲ့ အာရပ်နိုင်ငံတွေ တက်ရောက်ပြီး ဆီးရီးယားမှာ ဖြစ်ပွားနေတဲ့ ပဋိပက္ခ အဆုံးသတ်နိုင်ရေး ဆွေးနွေးကြဖို့ရှိပါတယ်။
သူတို့နိုင်ငံတွေမှာရှိနေတဲ့ ဆီးရီးယား သံအမတ်တွေကို နှင်ထုတ်ဖို့ ကိစ္စကိုလည်း အာရပ်အဖွဲ့ချုပ် ၀န်ကြီးတွေ စဉ်းစားနေကြတယ်လို့ ဆိုပါတယ်။
ဆီးရီးယားနိုင်ငံအရေးနဲ့ ပတ်သက်ပြီး ကုလသမဂ္ဂ လုံခြုံရေးကောင်စီမှာ ရုရှားနဲ့ တရုတ်တို့က ဗီတိုအာဏာ အသုံးပြု ပယ်ချလိုက်တာ ခံခဲ့ရပြီးတဲ့နောက် အာရပ်အဖွဲ့ချုပ် အဖွဲ့ဝင် ၀န်ကြီးတွေဟာ တနင်္ဂနွေနေ့ တနေ့လုံး တွေ့ဆုံပြီးတော့ အစည်းအဝေး ထိုင်ခဲ့ကြပါတယ်။

ကျောက်ဖြူ-ကူမင်း ပိုက်လိုင်း ရှေ့နှစ် အစမ်းလည်ပတ်မည်
By ကိုအောင်လွင်ဦး
မြန်မာနိုင်ငံ အနောက်ဘက်ကနေ တရုတ်နိုင်ငံအထိ သွယ်တန်း ဖောက်လုပ်နေတဲ့ ရေနံနဲ့ သဘာဝဓာတ်ငွေ့ စီမံကိန်းကို ရှေ့နှစ်မှာ စတင်စမ်းသပ် လည်ပတ်နိုင်တော့မယ်လို့ တရုတ် ဆောက်လုပ်ရေးလုပ်ငန်း တာဝန်ရှိသူတွေက ပြောလိုက်ပါတယ်။ တရုတ်နိုင်ငံ ယူနန်ပြည်နယ်ထဲအထိ ရေနံနဲ့ သဘာဝဓာတ်ငွေ့ တင်ပို့သွားမယ့် စီမံကိန်းဟာ အခုအခါ အတော်ခရီးပေါက်နေပြီလို့လည်း တရုတ်နိုင်ငံပိုင် ရုပ်မြင်သံကြားမှာ ပြသသွားတာပါ။ ဒီအကြောင်း ရိုက်တာစ် သတင်းဌာနရဲ့ သတင်းပေးပို့ချက်နဲ့အတူ ကိုအောင်လွင်ဦးက အပြည့်အစုံ တင်ပြထားပါတယ်။
ရှေ့နှစ် ၂၀၁၃ ဒုတိယ နှစ်ဝက်မှာ လုပ်ငန်းတွေ အစမ်းသဘော စတင်လည်ပတ်ဖို့ စီစဉ်ထားတဲ့အတိုင်း အချိန်မီ ပြီးစီးအောင် တက်သုတ်ရိုက် တည်ဆောက်နေတယ်လို့ စီမံကိန်းကို အကောင်အထည် ဖော်နေတဲ့ တရုတ်အမျိုးသား ရေနံကော်ပိုရေးရှင်း (CNPC) ရဲ့ လက်အောက်ခံ အရှေ့တောင်အာရှ ပိုက်လိုင်းကုမ္ပဏီက ပြောပါတယ်။ မြန်မာနိုင်ငံတွင်းကနေ တည်ဆောက်ရေး လုပ်ငန်းတွေကို ၂၀၁၀ ပြည့်နှစ် ဇွန်လမှာ စတင်ခဲ့တာဖြစ်ပြီး အခုဆိုရင် မိုင် ၁၉၀ နီးပါး ဆောက်လုပ် ပြီးစီးသွားပြီလို့လည်း တာဝန်ရှိသူတွေက ပြောတဲ့အကြောင်း နိုင်ငံပိုင် တရုတ် ဗဟိုရုပ်မြင်သံကြား (CCTV) က ပြသသွားတာပါ။ မြန်မာနိုင်ငံ အနောက်ဘက်ခြမ်းက ရခိုင်ပြည်နယ် ကျောက်ဖြူမြို့နယ် မဒေးကျွန်းကနေ တရုတ်နိုင်ငံ ယူနန်ပြည်နယ် ရွှေလီမြို့အထိ ရေနံစိမ်းနဲ့ သဘာဝဓာတ်ငွေ့တွေကို တင်ပို့သွားမယ့် ဒီစီမံကိန်းဟာ တရုတ်နိုင်ငံအတွက် စတုတ္ထမြောက် အကြီးဆုံး စွမ်းအင်တင်ပို့ရာ လမ်းကြောင်းတစ်ခု ဖြစ်ပါတယ်။ ဒါပေမဲ့လည်း စီမံကိန်း စတင်ချိန်ကစလို့ ဒေသခံတွေနဲ့ ပတ်ဝန်းကျင် ထိခိုက်မှုတွေ ဖြစ်ရတယ်ဆိုပြီး သဘာဝ ပတ်ဝန်းကျင် ထိန်းသိမ်းရေး လှုပ်ရှားသူ အုပ်စုတွေက ဝေဖန်ကန့်ကွက်သံတွေလည်း ထွက်ပေါ်ခဲ့တာပါ။ စီမံကိန်း အကောင်အထည် ဖော်နေတဲ့ အရှေ့တောင်အာရှ ပိုက်လိုင်း ကုမ္ပဏီရဲ့ ဘေးကင်းလုံခြုံရေး ကြီးကြပ်စစ်ဆေးသူ အရာရှိဖြစ်တဲ့ Yang Zhengxia ကတော့ ဆောက်လုပ်ရေး လုပ်ငန်းတွေအတွင်း ပတ်ဝန်းကျင် မထိခိုက်ရလေအောင် စနစ်တကျ ဆောင်ရွက်နေတဲ့အကြောင်း ပြောပါတယ်။
“နေ့စဉ်နေ့တိုင်း အလုပ်သိမ်းချိန်မှာ ဆောက်လုပ်ရေး လုပ်ငန်းက အမှိုက်တွေကို ရှင်းလင်းတဲ့ အလုပ်သမားတွေ ရှိပါတယ်။ ဒီအမှိုက်တွေကို စနစ်တကျ စွန့်ပစ်ဖို့ အတွက်လည်း မန္တလေးမြို့အထိ ပို့ပါတယ်။” လို့ တရုတ်ဘာသာနဲ့ ရှင်းပြသွားတာပါ။
စီမံကိန်းအစ ဆိပ်ကမ်း တည်ဆောက်ရာမှာ စတုရန်းပေ ၁ သောင်း လောက်ရှိတဲ့ မြက်ခင်းတွေ စိုက်ပျိုးခဲ့တာမို့ ရေနဲ့မြေဆီလွှာ ထိန်းသိမ်းရာမှာ အထောက်အကူ ဖြစ်စေတဲ့အကြောင်းလည်း ကုမ္ပဏီက ပြောပါတယ်။ ဒီလိုပဲ ဂေဟဗေဒ စနစ်ကို မထိခိုက်ရလေအောင် မြစ်တွေနဲ့ ရေကြောင်းတွေကို ရှောင်ရှား တည်ဆောက်ထားတယ်လို့လည်း ဆိုပါတယ်။ ဆောက်လုပ်ရေး လုပ်ငန်းတွေ လုပ်နေတဲ့ Beijing Xingyou Engineering Project Management ကုမ္ပဏီရဲ့ စီမံကိန်းမန်နေဂျာ Wan Long ကတော့ လုပ်ငန်းခွင်အတွင်း ပတ်ဝန်းကျင် မထိခိုက်အောင် အလေးထား ဆောင်ရွက်နေတယ်လို့ တရုတ်အစိုးရပိုင် CCTV မှာ ပြောသွားခဲ့တာပါ။
“၁၂ မိုင်ကျော်ရှိတဲ့ ဒီအပိုင်းတစ်ခုတည်းမှာပဲ ဂဟေချောင်း ၂ ထောင်ကျော်ကို သုံးပြီး ကျနော်တို့ ဂဟေဆော်ခဲ့တာပါ။ ဒါပေမဲ့လည်း လုပ်ငန်းခွင်က အမှိုက်ဆိုလို့ ဒီနေရာမှာ တစ်ခုမှ မကျန်ခဲ့ပါဘူး။” လို့ တရုတ်ဘာသာနဲ့ ပြောသွားတာပါ။
မိုင်ပေါင်း ၁,၅၀၀ နီးပါး ရှည်လျားတဲ့ ရေနံပိုက်လိုင်းဟာ မြန်မာနိုင်ငံတွင်းမှာ မိုင်ပေါင်း ၄၈၀ နီးပါး ဖြတ်သန်းသွားမှာ ဖြစ်သလို မိုင်ပေါင်း ၁,၆၀၀ လောက် ရှည်လျားမယ့် သဘာဝဓာတ်ငွေ့ ပိုက်လိုင်းကတော့ မြန်မာနိုင်ငံဘက်မှာ မိုင် ၅၀၀ လောက် ဖြတ်သန်းမှာ ဖြစ်ပါတယ်။ မြန်မာနိုင်ငံက သဘာဝဓာတ်ငွေ့ ကုဗမီတာ ၁၂ ဘီလီယံနဲ့ အရှေ့အလယ်ပိုင်းနဲ့ အာဖရိကတိုက်က ရေနံစိမ်းတန်ချိန် ၂၂ သန်းအထိ ကျောက်ဖြူဆိပ်ကမ်းကတဆင့် နှစ်စဉ် တင်ပို့သွားဖို့ ရည်ရွယ်ထားတဲ့ ပိုက်လိုင်းတည်ဆောက်ရေး လုပ်ငန်းတွေ ပြီးစီးတဲ့ အခါကျရင်တော့ စီမံကိန်းကို ပုံစံထုတ်ခဲ့တဲ့ တရုတ်အစိုးရပိုင် CNPC ကုမ္ပဏီက တာဝန်ယူ လည်ပတ်သွားမှာပါ။ ဒီအတွက် စီမံကိန်းကနေ ဒေသခံတွေ အကျိုးမခံစားရတဲ့အပြင် မြေယာတွေ ဆုံးရှုံးရတာ၊ အဓမ္မ ရွှေ့ပြောင်းခံရတာ၊ အတင်းအကျပ် အလုပ်စေခိုင်း ခံရတာတွေလို လူ့အခွင့်အရေး ချိုးဖောက်မှုတွေကိုသာ သယ်လာခဲ့တယ်လို့လည်း စီမံကိန်းကို စောင့်ကြည့် အကဲခတ်နေတဲ့ ပတ်ဝန်းကျင် ထိန်းသိမ်းရေး အဖွဲ့တစ်ခုဖြစ်တဲ့ ရွှေသဘာဝဓာတ်ငွေ့ လှုပ်ရှားမှုအဖွဲ့က ပြောဆိုထားတာလည်း ဖြစ်ပါတယ်။

လက်နက်ကိုင် ပဋိပက္ခ ချုပ်ငြိမ်းဖို့ သမ္မတဦးသိန်းစိန် တိုက်တွန်း
By မသိင်္ဂီထိုက်
စစ်မှန်တဲ့ပြည်ထောင်စုကို လက်တွေ့ တည်ဆောက် အကောင်အထည် ဖော်နိုင်မယ့် အခြေအနေတွေ တွေ့နေရပြီ ဆိုပြီး ဒီကနေ့ (၆၅) နှစ်မြောက် ပြည်ထောင်စုနေ့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောဆိုလိုက်ပါတယ်။ သမ္မတ ဦးသိန်းစိန် ကတော့ ပြည်ထောင်စုအတွက် ပြည်တွင်း လက်နက်ကိုင် ပဋိပက္ခတွေ ရပ်ဆိုင်းကြဖို့ တိုက်တွန်းလိုက်ပါတယ်။ ဒီကနေ့ မြန်မာပြည် တ၀ှမ်းက ပြည်ထောင်စုနေ့ အခမ်းအနားတွေ အပြင် လက်တလော တိုက်ပွဲတွေ ဖြစ်နေတဲ့ တိုင်းရင်းသား လက်နက်ကိုင် အဖွဲ့ ကေအိုင်အိုက ဘယ်လို တုံ့ပြန် ပြောကြားလိုက်သလဲ ဆိုတာကိုတော့ မသိင်္ဂီထိုက်က စုစည်းတင်ပြထားပါတယ်။
တိုင်းရင်းသား အဖွဲ့အစည်းတွေနဲ့ အမျိုးသား ဒီမိုကရေစီ အဖွဲ့ချုပ်တို့ဟာ ၁၉၉၈ ခုနှစ် နောက်ပိုင်းမှာ လက်တွဲမဖြုတ်ဘဲ မြန်မာ့ နိုင်ငံရေးလောကမှာ အတူလက်တွဲ လုပ်ဆောင်နိုင်ခဲ့တာကို ကြည့်ရင် တကယ် စစ်မှန်တဲ့ ပြည်ထောင်စုကြီးကို တည်ထောင်နိုင်တယ်ဆိုတာကို အမျိုးသား ဒီမိုကရေစီ အဖွဲ့ချုပ် အနေနဲ့ ယုံကြည်မှု ရှိတယ် ဆိုပြီး မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဒီကနေ့ အမျိုးသား ဒီမိုကရေစီ အဖွဲ့ချုပ် ရုံးမှာ ပြုလုပ်တဲ့ (၆၅) နှစ်မြောက် ပြည်ထောင်စုနေ့ အခမ်းအနားမှာ ပြောသွားပါတယ်။ ဒီတိုင်းရင်းသား အဖွဲ့အစည်းတွေဟာ ၁၉၉၀ ရွေးကောက်ပွဲ နောက်ပိုင်း ပါတီဖျက်သိမ်းခံရတာတွေ ဖမ်းဆီးခံရတာတွေ ရှိနေပေမဲ့ အန်အယ်လ်ဒီနဲ့ တသားတည်း ရပ်တည်ခဲ့ကြတယ်လို့လည်း ပြောသွားပါတယ်။ ဒါ့အပြင် စစ်မှန်တဲ့ ပြည်ထောင်စုကို ဘယ်လို သွားကြမလဲ ဆိုတာကိုလည်း အခုလို ပြောဆိုလိုက်ပါတယ်။
“ပင်လုံစာချုပ်ကို အခြေခံဟာ ပြည်ထောင်စု တိုင်းရင်းသား အားလုံးကြားထဲမှာ ယုံကြည် စိတ်ချမှု၊ တစ်ဦးအပေါ်တစ်ဦး လေးစားမှု၊ တစ်ဦးပေါ်တစ်ဦး ယုံကြည်မှု၊ တစ်ဦးပေါ်တစ်ဦး သစ္စာရှိမှုအပေါ်မှာ အခြေခံတာပါ။ ဒါကြောင့် အခုထိ တိုင်းရင်းသားများက နောင် ပြည်ထောင်စုတစ်ခုကို၊ နောင် စစ်မှန်တဲ့ ဒီမိုကရေစီ ပြည်ထောင်စုတစ်ခုကို တည်ထောင်ဖို့ ဆိုတာဟာ ပင်လုံစာချုပ်ရဲ့ စိတ်ဓါတ်၊ ပင်လုံစာချုပ်        အပေါ်မှာ အခြေခံရမယ်လို့ ထပ်တလဲလဲ ပြောနေတာ ဒီဟာတွေကြောင့် ဖြစ်တယ်လို့ ကျမတို့ ထင်ပါတယ်။”
တိုင်းရင်းသား ပါတီတွေလည်း ဒီကနေ့ ရန်ကုန်မြို့တော်မှာ ပြည်ထောင်စုနေ့ အထိမ်အမှတ်ပွဲ ကျင်းပခဲ့ကြပါသေးတယ်။ ညနေပိုင်းမှာ ကျင်းပတဲ့ ဒီပွဲကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်လည်း တက်ရောက်ခဲ့ပြီး တိုင်းရင်းသား စည်းလုံးညီညွတ်ရေး စစ်မှန်တဲ့ ပြည်ထောင်စု တည်ဆောက်ရေးနဲ့ ပတ်သက်ပြီး တိုင်းရင်းသား ပါတီတွေနဲ့ ဆွေးနွေးခဲ့ကြတယ်လို့လည်း ရခိုင်တိုင်းရင်းသား ပါတီက ဒေါက်တာ အေးမောင်က ပြောပါတယ်။
“ပင်လုံညီလာခံက မျှော်မှန်းခဲ့တဲ့အတိုင်း ဒီကနေ့ ရောက်နေသလား၊ မရောက်ဘူးလား ဆိုတာကို ပြန် သုံးသပ်ဖို့လိုတယ် ဆိုတာကို ကိုယ့်အမြင် သူ့အမြင်နဲ့ သုံးသပ် ဝေဖန်ကြပါတယ်။ ဒေါ်အောင်ဆန်းစုကြည် မိန့်ခွန်းပြောတဲ့အခါမှာလည်း စစ်မှန်တဲ့ ပြည်ထောင်စုကို ကျမတို့ တည်ဆောက်ဖို့ လိုပြီဆိုတာကို သူ ညွှန်း ဖော်ပြသွားတာ တော်တော်လည်း တိုင်းရင်းသားတွေ လက်ခုပ်သြဘာ တီးကြပါတယ်။”
နိုင်ငံတော် စစ်တပ် အင်အားကို ခိုင်မာတောင့်တင်းအောင် သားစဉ်မြေးဆက် တည်ဆောက်ထားဖို့ စစ်တပ် အင်အား မကောင်းရင် တိုင်းရင်းသား ပြည်သူတွေ အနေနဲ့ အင်အားကြီး နိုင်ငံတွေရဲ့ အနိုင်အထက် ပြုကျင့်တာကို ခံရမှာ ဖြစ်တယ်၊ ဒါကြောင့် မြန်မာ့ တပ်မတော်ကို ခေတ်မီတပ်မတော် ဖြစ်အောင် ဖွဲ့စည်းတာမှာ တိုင်းရင်းသား အားလုံး ပါဝင် လုပ်ဆောင်ရမယ်လို့ ဒီကနေ့ ပြည်ထောင်စုနေ့ သ၀ဏ်လွှာ အဖြစ်နဲ့ သမ္မတ ဦးသိန်းစိန်က ပြောကြားပါတယ်။
ဒါ့အပြင် တိုင်းရင်းသား လက်နက်ကိုင် ပဋိပက္ခတွေ အဆုံးသတ်ကြဖို့လည်း သူက တိုက်တွန်းထားတာပါ။
ကချင် လွတ်လပ်ရေးအဖွဲ့ (ကေအိုင်အို) ရဲ့ ဗဟိုအလုပ်အမှုဆောင် ကော်မတီဝင် ဗိုလ်မှူးကြီး ဂျိမ်းစ်လွန်ဒေါင်းကတော့ မြန်မာ အစိုးရက ပြောဆိုနေတဲ့ စစ်မှန်တဲ့ ပြည်ထောင်စု တည်ဆောက်လိုတယ် ဆိုတာကို သံသယ ရှိတယ်လို့ ပြောဆိုလိုက်ပါတယ်။
“မနှစ်တုန်းက မတ်လ ၃၀ ရက်နေ့ကနေ ဒီအစိုးရ တက်လာတယ်။ အဲဒီနေ့ကနေ စပြီးတော့မှ ငြိမ်းချမ်းရေးက သူ ပြောနေတာပဲ။ နောက် တပြည်လုံးက လူတွေကိုလည်း ခေါ်တယ်။ နောက် သူ့ရဲ့စစ်ဗိုလ်ချုပ်တွေကိုလည်း အမိန့်ပေးတယ်။ အပစ်အခတ် ရပ်စဲဖို့ရာ ပြန်ပြီးတော့ ခေါ်ယူဖို့ ဆိုပြီးတော့ အဲဒီ အမိန့်ပေးတဲ့ စစ်တပ်တွေကတော့ ပိုပြီးတော့ ပို့တယ်၊ ၁၂ ရက် ပြည်ထောင်စုနေ့မှာ ကျနော်တို့ဘက်မှာ ဘယ်လောက် အချင်းချင်း သတ်ဖြတ်ကြသလဲ။ အဲဒီတော့ သူကတော့ နေပြည်တော်မှာ အော်နေတယ်။ ပြည်ထောင်စု စိတ်ဓါတ် မွေးမြူပြီးတော့မှ ကျနော်တို့ တိုင်းပြည်ဟာ ငြိမ်းချမ်းလာတာကို ကျနော်တို့ မြင်ချင်ပါတယ်။ ငြိမ်းချမ်းလာတာကို ကျနော်ကတော့ ခံစားရတာ မျက်စိအားဖြင့်သော်လည်းကောင်း ခံစားချက်ကို လိုချင်ပါတယ်။ ဒါကြောင့် ကျနော်တို့က လွန်ခဲ့တဲအချိန်ကို ထားလိုက်ပါ။ အခု ပြည်ထောင်စုနေ့ကစပြီး ရှေ့ရှုပြီးတော့မှ အပြောနဲ့အလုပ် လက်တွေ့ ညီပါစေ။”
ဒီအစိုးရ တက်လာပြီးတဲ့ နောက်ပိုင်း တိုင်းရင်းသား လက်နက်ကိုင် အဖွဲ့တချို့နဲ့ အပစ်အခတ် ရပ်စဲရေး ပဏာမ သဘောတူညီမှုတွေ ရရှိထားပေမဲ့ အပစ်ရပ် တိုင်းရင်းသား လက်နက်ကိုင်အဖွဲ့ ကေအိုင်အိုနဲ့တော့ အပစ်အခတ်ရပ်ဆဲရေး သဘောတူညီချက် ပျက်ပျယ်ခဲ့ပြီး စစ်ရေး တင်းမာမှုတွေ ရှိနေဆဲ ဖြစ်ပါတယ်။

ဗိုလ်ချုပ်ကြီးဟောင်းခင်ညွန့် လူမှုရေးအဖွဲ့ဖွဲ့စည်း
2012-02-12
စစ်ထောက်လှမ်းရေးအကြီးအကဲဟောင်းနဲ့ ၀န်ကြီးချုပ်ဟောင်း ဦးခင်ညွန့်ဟာ ရန်ကုန်တိုင်းကျောက်တန်းမြို့နယ် ဖွံ့ဖြိုးတိုးတက်ရေးအတွက် ရံပုံငွေ ကျပ်သိန်း ၁၀၀ မတည်ပြီး "ရွှေမှော်ဝန်း" လူမှုရေးအဖွဲ့ကို ဒီနေ့ ဖွဲ့စည်းလိုက်တယ်လို့ သိရပါတယ်။
ဆိုင်းငံ့ပြစ်ဒဏ် ၄၄ နှစ်ချမှတ်ခံရထားတဲ့ ဗိုလ်ချုပ်ကြီးဟောင်းခင်ညွန့်ဟာ သမ္မတဦးသိန်းစိန်ရဲ့ လွတ်ငြိမ်းချမ်းသာခွင့်အမိန့်နဲ့ နေအိမ်အကျယ်ချုပ်ကနေ ပြီးခဲ့တဲ့လက လွတ်မြောက်လာပြီး ပထမဆုံးအကြိမ်အဖြစ် ဇာတိဖြစ်တဲ့ ကျောက်တန်းမြို့ကို ဒီနေ့ သွားရောက်ခဲ့ပြီး သူလှူဒါန်းထားတဲ့ သိမ်တခုမှာ ရပ်ဆွေရပ်မျိုးတွေ ဖိတ်ခေါ်ပြီး ခုလို ဖွဲ့စည်းလိုက်တာလို့ ဒေသခံတဦးက ပြောပါတယ်။
ဒီအဖွဲ့မှာ ဦးခင်ညွန့်ရဲ့ ငယ်ဆရာ ၀န်ကြီးချုပ်ဟောင်းတဦးဖြစ်သူ ဗိုလ်မှူးချုပ်ဟောင်း ဦးတင့်ဆွေကို နာယကအဖြစ်ထားရှိပြီး ဦးခင်ညွန့်နဲ့ ဇနီးဒေါက်တာဒေါ်ခင်ဝင်းရွှေ၊ သား ဗိုလ်မှူးကြီးဟောင်း ဇော်နိုင်ဝင်း၊ ဦးခင်ညွန့်ရဲ့ ဆရာမ ဒေါ်တင်တင်နွယ် စတဲ့ ပုဂ္ဂိုလ်တွေ ပါဝင်တယ်လို့ သိရပါတယ်။ ။

ရွေးကောက်ပွဲ နိုင်ငံတကာ လေ့လာသူများ ခွင့်ပြုဖို့ နိုင်ငံရေးအကျဉ်းသားဟောင်းများ တိုက်တွန်း
2012-02-12
လာမယ့် ကြားဖြတ်ရွေးကောက်ပွဲမှာ လွတ်လပ်ပြီး တရားမျှတဖို့အတွက် နိုင်ငံတကာ လေ့လာ စောင့်ကြည့်သူ တွေကို ခွင့်ပြုပေးဖို့ ရန်ကုန်အခြေစိုက် နိုင်ငံရေးအကျဉ်းသားဟောင်းများ အဖွဲ့က ဒီနေ့ တိုက်တွန်းလိုက်ပါတယ်။ ဒီကိစ္စနဲ့ ပတ်သက်လို့ အဖွဲ့ရဲ့ ပြောခွင့်ရပုဂ္ဂိုလ် ကိုဆန်နီက RFA ကို အခုလို ပြောပါတယ်။
ဒီကိစ္စနဲ့ ပတ်သက်လို့ အဖွဲ့ရဲ့ ပြောခွင့်ရပုဂ္ဂိုလ် ကိုဆန်နီက RFA ကို အခုလို ပြောပါတယ်။

“ပြီးခဲ့တဲ့ ရွေးကောက်ပွဲတွေမှာလည်း အစိုးရ ကျောထောက်နောက်ခံပြုတဲ့ ပါတီတွေက မဲမသမာမှုတွေ လုပ်လာတာတွေ၊ စည်းမျဉ်းဥပဒေ ကျော်တာတွေ ရှိခဲ့တယ်။ အဲဒီဟာမျိုးတွေ နောက်တကြိမ် မဖြစ်အောင် အခု ရွေးကောက်ပွဲမှာတော့ တရားမျှတမှု ရှိရှိနဲ့ ဆောင်ရွက်နိုင်အောင် နိုင်ငံတကာနဲ့ ဒေသဆိုင်ရာ အဖွဲ့တွေကို အစိုးရကရော ပြည်ထောင်စု ရွေးကောက်ပွဲ ကျင်းပရေး ကော်မရှင်ကရော လေ့လာစောင့်ကြည့်ခွင့် ပြုစေချင်တယ်”

ဒါ့အပြင် ရွေးကောက်ပွဲ ကျင်းပတဲ့ နေရာအသီးသီးက ဒေသခံ အုပ်ချုပ်ရေးအဖွဲ့တွေ၊ ကော်မရှင်ခွဲတွေ၊ ယှဉ်ပြိုင်မယ့် ပါတီကိုယ်စားလှယ်တွေ၊ အောင်နိုင်ရေးအဖွဲ့တွေကို သတ်မှတ်ထားတဲ့ ဥပဒေစည်းကမ်းတွေ ကျော်ပြီး ဆောင်ရွက်တာတွေ၊ ဘက်လိုက်စည်းရုံးတာတွေ မရှိအောင် ဆောင်ရွက်ပေးဖို့နဲ့ ဥပဒေချိုးဖောက်မှုတွေ ရှိရင်လည်း အရေးယူပေးဖို့ နိုင်ငံရေး အကျဉ်းသားဟောင်းများအဖွဲ့က တိုက်တွန်းလိုက်ပါတယ်။

သူတို့ အဖွဲ့ဝင်တွေ အနေနဲ့လည်း ရွေးကောက်ပွဲ ကျင်းပတဲ့နေရာတွေမှာ လေ့လာ စောင့်ကြည့်နိုင်အောင် ကြိုးပမ်းသွားမယ်လို့ အဖွဲ့ ပြောခွင့်ရပုဂ္ဂိုလ် ကိုဆန်နီက ပြောပါတယ်။

အိန္ဒိယထောက်လှမ်းရေး လက်ချက်နဲ့ သေဆုံးသူ တော်လှန်ရေးသမားများအတွက် ဆွမ်းကပ်လှူ
2012-02-11
အိန္ဒိယရေပိုင်နက် ကပ္ပလီကျွန်းစုအနီး တပ်စခန်း ဆောက်ဖို့ ရခိုင်ပြည်တပ်မတော်နဲ့ ကရင်အမျိုးသား အစည်းအရုံးက တာဝန်ပေး စေလွှတ်လိုက်တဲ့ ရခိုင်နဲ့ ကရင်တော်လှန်ရေးသမားထဲက ရခိုင်ပြည် တပ်မတော် ဗိုလ်ချုပ်ခိုင်ရာဇာနဲ့ ခေါင်းဆောင်ငါးဦး ၁၉၉၈ ခု ဖေဖော်ဝါရီ ၁၁ ရက်နေ့မှာ အိန္ဒိယ ထောက်လှမ်းရေးတပ်ရဲ့ လုပ်ကြံ သတ်ဖြတ်ခံခဲ့ရတာ ၁၄ နှစ် ပြည့်တဲ့ ဆွမ်းကျွေးတရားနာပွဲကို နယူးဒေလီမှာ မနေ့မနက်က ပြုလုပ်ခဲ့ပါတယ်။
အဲဒီခေါင်းဆောင် ၆ ယောက်ကတော့ ရခိုင်ပြည်တပ်မတော် ဗိုလ်ချုပ် ခိုင်ရာဇာ၊ ဒုဗိုလ်မှူးကြီးစောထွန်း၊ ဗိုလ်မှူးရန်နိုင်၊ ဗိုလ်ကြီးလင်းဇံခိုင်နဲ့ KNU က ဗိုလ်မှူး ဖဒိုမှူးလွယ်၊ ဗိုလ်စိုးမြင့်တို့ ဖြစ်ကြပြီး အိန္ဒိယ ထောက်လှမ်းရေးတပ်ဖွဲ့က တောတွင်းကို လှည့်ဖျားခေါ်ဆောင်ပြီး သတ်ဖြတ်ခဲ့တယ်လို့ သိရပါတယ်။
ပြီးခဲ့နှစ်ကမှ ပြန်လည် လွတ်မြောက်လာတဲ့ ကျန် တော်လှန်ရေးသမား ၃၄ ယောက်ဟာ ဖမ်းဆီးခံခဲ့ရတဲ့ ၁၃ နှစ်တာ ကာလ အတွင်း နှစ်စဉ် ဖေဖော်ဝါရီလ ၁၁ ရက်နေ့ရောက်တိုင်း ခေါင်းဆောင် ၆ ဦးကို အောက်မေ့ဂုဏ်ပြုတဲ့ အနေနဲ့ ထောင်ထဲမှာ အစာအငတ်ခံကာ ဂုဏ်ပြုခဲ့ကြပြီး အခုလို ဆွေးကျွေးတရားနာပွဲ ပြုလုပ်ရတာ ပထမဆုံးအကြိမ် ဖြစ်တယ်လို့ ခေါင်းဆောင်တဦးဖြစ်တဲ့ ကိုဓညလင်းကပြောပါတယ်။
ဒီလိုအဖြစ်ဆိုးတွေ ရှိခဲ့ပါတယ်ဆိုတာကို နောင်လာနောင်သားတွေ သိစေဖို့၊ မမေ့ဖို့ ကျင်းပပြုလုပ်ခြင်း ဖြစ်တယ်လို့ ကိုဓညလင်းက ဆိုပါတယ်။
အလားတူပဲ အဲဒီ ရခိုင်နဲ့ ကရင် မျိုးချစ် တော်လှန်ရေးသမားတွေ အတွက် ရည်စူးပြီး၊ အမေရိကန် ပြည်ထောင်စု နယူးယောက်ပြည်နယ်၊ ဘတ်ဖလိုးမြို့မှာ နေထိုင်တဲ့ ရခိုင်နဲ့ကရင် တိုင်းရင်းသားတွေကလည်း မနေ့က သံဃာတွေကို ဆွမ်းကပ်ပြီး အောက့်မေ့ဖွယ် အခမ်းအနား တရပ် ကျင်းပခဲ့ကြပါတယ်။

လှိုင်သာယာ တိုင်ရီစက်ရုံ ဆန္ဒပြမှု အခြားစက်ရုံသို့ ကူးစက်
ကျော်ခ | ကြာသပတေးနေ့၊ ဖေဖေါ်ဝါရီလ ၀၉ ရက် ၂၀၁၂ ခုနှစ် ၂၀ နာရီ ၂၁ မိနစ်

ချင်းမိုင် (မဇ္ဈိမ) ။        ။ ရန်ကုန်တိုင်း၊ လှိုင်သာယာ စက်မှုဇုန်ရှိ တိုင်ရီ ဖိနပ်စက်ရုံတွင် လေးရက်ဆက်တိုက် ဆန္ဒပြမှု ဖြစ်ပွားနေစဉ် ယင်းစက်ရုံအနီးရှိ New Way ဖိနပ်စက်ရုံတွင်လည်း အလုပ်သမား တထောင်ကျော်က လုပ်အားခ တိုးမြှင့်ပေးရေးအတွက် ကြာသာပတေးနေ့က ထိုင်သပိတ်ဆန္ဒပြ တောင်းဆိုလျက် ရှိသည်။

လုပ်ခလစာ တိုးမြှင့်ရန်နှင့် တင်းကြပ်ထားသည့် စည်းကမ်းချက်တချို့ ပြုပြင်ပေးရန်အတွက် တိုင်ရီစက်ရုံမှ အလုပ်သမား ၁,၈ဝဝ ကျော်က တနင်္လာနေ့ကစပြီး ဆန္ဒထုတ်ဖေါ်နေမှု လေးရက်မြောက်နေ့တွင် ယင်းစက်ရုံနှင့် မီတာ ၅ဝဝ ခန့်အကွာတွင် ရှိသော New Way ဖိနပ်ချုပ်စက်ရုံမှ အလုပ်သမား ၁,၆ဝဝ ကျော်က တိုင်ရီ အလုပ်သမားများတောင်းဆိုသည့် အချက်များ နည်းတူ တောင်းဆိုကာ ထိုင်သပိတ် ဆန္ဒထုတ်ဖေါ် တောင်းဆိုကြသည်။

“New Way က ဒီမနက်မှ ပြကြတာ။ တာဝန်ရှိတဲ့လူတွေ လာညှိတာ ဘာမှ ထူးခြားမှု မရှိသေးဘူး။ မနက်ဖြန် သူတို့ ဆက်ပြီး တောင်းဆိုကြဦးမယ် ပြောတယ်။ တိုင်ရီကလည်း မပြီးသေးဘူး။ မနက်ဖြန် ဆက်လုပ်ကြဦးမယ်တဲ့။ လူတွေကတော့ တော်တော်များတယ်” ဟု အလုပ်သမားများအရေး ကူညီဆောင်ရွက်ပေးနေသူ ရှေ့နေ ကိုဖိုးဖြူ က မဇ္ဈိမကို ပြောသည်။

New Way  စက်ရုံအလုပ်သမားများက အခြေခံလစာ နှင့် အချိန်ပိုကြေး၊ ရက်မှန်ကြေးများ တိုးမြှင့်ပေးရန်၊ အလုပ်ပျက် ရက် တရက်ကို ၄,ဝဝဝ ကျပ် ဖြတ်တောက်ခြင်းအား ရုပ်သိမ်းပေးရန်နှင့် ကျန်းမာရေးအရ ရှောင်တခင် ဆေးခွင့်ပေးဖို့ အပါအဝင် စုစုပေါင်း အချက် ၁ဝ ချက် တင်ပြတောင်းဆိုခဲ့ကြသည်။

မနက် ၇ နာရီမှ မွန်းလွဲပိုင်း ၂ နာရီခွဲထိ ဆန္ဒထုတ်ဖေါ်နေကြသည့် စက်ရုံအလုပ်သမားများကို စက်ရုံ တာဝန် ရှိသူများနှင့် ရန်ကုန်တိုင်းနှင့် လှိုင်သာယာမြို့နယ် အလုပ်သမား ညွှန်ကြားရေးမှူး ဦးစီးဌာန တာဝန်ရှိသူများ လာရောက်ဖြေရှင်းပေးသော်လည်း ကြေလည်မှုမရရှိသေးဘဲ ဆန္ဒပြပွဲ ရက်ဆက်ဦးမည့် အနေအထားသို့ ရောက်ရှိ သွားသည်။

တနင်္လာနေ့က စတင်ဆန္ဒပြခဲ့သည့် တိုင်ရီစက်ရုံအလုပ်သမားများကို စက်ရုံတာဝန်ရှိသူများက တနာရီကို ကျပ်တဆယ် တိုးမြှင့်ပေးထားသလို အချိန်ပိုကြေးကိုလည်း ၂၁ ကျပ် တိုးမြှင့်ပေးကြောင်း၊ ထိုနှုန်းဖြင့် လုပ်ကိုင်နိုင်သူများ ၁၁၊ ၂၊ ၂ဝ၁၂ ရက်နေ့တွင် အလုပ်ပြန်ဆင်းနိုင်ပြီး မလုပ်နိုင်သူများကို ယင်းနေ့မှစ၍ မိမိသဘောဖြင့် အလုပ်ထွက်သည်ဟု စက်ရုံက သတ်မှတ်သွားမည် ဖြစ်ကြောင်း စာထုတ်ပြန်ခဲ့သည်။

တိုင်ရီစက်ရုံ အလုပ်သမားများကို မူလက ၁ နာရီလျင် ၇၅ ကျပ်၊ အချိန်ပိုကြေးကို တနာရီလျင် ၁၆၂ ကျပ်နှုန်းဖြင့်ပေးချေပြီး အလုပ်တရက်ပျက်လျှင် ကျပ် ၄,ဝဝဝ နှုန်း ဖြတ်ကြောင်း သိရသည်။

တိုင်ရီစက်ရုံ တာဝန်ရှိသူ တဦးက “ဒီဘက်က တိုးပေးနိုင်သလောက်ထိ လုပ်ပေးပြီးပါပြီ။ မလုပ်နိုင်တဲ့ လူတွေ အတွက်တော့ သူတို့လစာ လာထုတ်သွားရုံပဲ ရှိတော့တယ်။ သူတို့ တောင်းဆိုပုံအတိုင်းဆို ကျနော်တို့က တယောက် ကို အသားတင် ၄ သောင်းလောက်ထိ တိုးပေးရမှာ။ လူက နှစ်ထောင်ကျော်တောင်။ မတက်နိုင်ဘူး” ဟု သူက မဇ္ဈိမကို ပြောသည်။

စက်ရုံအလုပ်သမားများက အခြေခံ လစာ ၅ သောင်းမှ စပေးရန်၊ ရက်ပျက်ကြေး မဖြတ်တောက်ရန်၊ လုပ်ငန်းခွင် အတွင်း ဖိနပ်များ မတော်တဆ ပျက်စီးပါက လစာငွေ ဖြတ်တောက်ခြင်းမပြုရန်၊ သောက်ရေ လုံလောက်စွာ ပေးရန်၊ အိမ်သာ လွတ်လပ်စွာ တက်ခွင့်ရရန်၊ အလုပ်သမား အယောက် ၅ဝ ကို အိမ်သာတလုံး ထားပေးရန်၊ သဘာဝဘေးအန္တရာယ် ကျရောက်ခြင်းနှင့် မိသားစု အရေးကိစ္စများတွင် ခွင့်ပေးရန်များကို တောင်းဆိုထားကြသည်။

တိုင်ရီစက်ရုံမှ အလုပ်သမတဦးဖြစ်သူ မဝင်းမာ က “ကျမတို့ ရတဲ့ လစာနဲ့က ကျမတို့က ဒီမှာ အဒေါ်အိမ်မှာ အလကား ကပ်နေတာတောင် မလောက်ဘူး။ ခရီးစရိတ်လည်း ရှိသေးတယ်။ တချို့ဆိုရင် နယ်က တက်လာပြီး အိမ်ငှားနေတဲ့ လူတွေက များတယ်။ သူတို့ဆို ဘာမှမကျန်ဘူး အကြွေးတောင် တင်သေးတယ်” ဟု သူက မဇ္ဈိမကို ပြောသည်။

တိုင်ရီစက်ရုံသည် တရုတ်နိုင်ငံသားပိုင် စက်ရုံဖြစ်ပြီး အခြေခံလစာနှင့် အချိန်ပိုကြေးများနှင့် အခြား တင်ကြပ်သည့် စည်းမျဉ်းများကြောင့် ၂ဝ၁ဝ ခုနှစ်မှ စတင်ကာ ၃ နှစ်ဆက်တိုက် အလုပ်သမားများ၏ ဆန္ဒပြတောင်းဆိုမှုများဖြင့် ကြုံတွေ့ခဲ့ရကြောင်း လှိုင်သာယာ စက်မှုဇုန် ဥက္ကဋ္ဌ ဦးမြတ်သင်းအောင်က မဇ္ဈိမကို ပြောသည်။

ဆန္ဒပြအလုပ်သမားများအပေါ် တင်းကြပ်ထားသည့် မလိုအပ်သည့် စည်းကမ်းများ၊ အလုပ်သမားများ၏ ထိုက်တန် သည့် ရပိုင်ခွင့်များကို ရရှိစေရန်အတွက် အမျိုးသားဒီမိုကရေစီအဖွဲ့ချုပ် NLD မှ တောင်သူလယ်သမားအရေး၊ အလုပ်သမားအရေးနှင့် ကလေးအခွင့်အရေး ဆောင်ရွက်နေသူ မစုစုနွေးနှင့် ဥပဒေရေးရာ ရှေ့နေ ကိုဖိုးဖြူတို့ကသောကြာနေ့တွင် အလုပ်သမား ရေးရာဌာန၊ စက်ရုံတာဝန်ရှိသူများနှင့် ဆွေးနွေးသွားမည်ဖြစ်သည်။

ပြေလည်မှု မရရှိပါက ဥပဒေလမ်းကြောင်းအတိုင်း ဖြေရှင်း ဆောင်ရွက်သွားမည် ဖြစ်ကြောင်း ကာယကံရှင်များကပြောသည်။ တရာဥပဒေအရ ရှေ့နေများနှင့်လည်း စီစဉ်ထားပြီးဖြစ်ကြောင်း သိရသည်။

အိန္ဒိယထောက်လှမ်းရေး လက်ချက်နဲ့ သေဆုံးသူ တော်လှန်ရေးသမားများအတွက် ဆွမ်းကပ်လှူ
2012-02-11
အိန္ဒိယရေပိုင်နက် ကပ္ပလီကျွန်းစုအနီး တပ်စခန်း ဆောက်ဖို့ ရခိုင်ပြည်တပ်မတော်နဲ့ ကရင်အမျိုးသား အစည်းအရုံးက တာဝန်ပေး စေလွှတ်လိုက်တဲ့ ရခိုင်နဲ့ ကရင်တော်လှန်ရေးသမားထဲက ရခိုင်ပြည် တပ်မတော် ဗိုလ်ချုပ်ခိုင်ရာဇာနဲ့ ခေါင်းဆောင်ငါးဦး ၁၉၉၈ ခု ဖေဖော်ဝါရီ ၁၁ ရက်နေ့မှာ အိန္ဒိယ ထောက်လှမ်းရေးတပ်ရဲ့ လုပ်ကြံ သတ်ဖြတ်ခံခဲ့ရတာ ၁၄ နှစ် ပြည့်တဲ့ ဆွမ်းကျွေးတရားနာပွဲကို နယူးဒေလီမှာ မနေ့မနက်က ပြုလုပ်ခဲ့ပါတယ်။
အဲဒီခေါင်းဆောင် ၆ ယောက်ကတော့ ရခိုင်ပြည်တပ်မတော် ဗိုလ်ချုပ် ခိုင်ရာဇာ၊ ဒုဗိုလ်မှူးကြီးစောထွန်း၊ ဗိုလ်မှူးရန်နိုင်၊ ဗိုလ်ကြီးလင်းဇံခိုင်နဲ့ KNU က ဗိုလ်မှူး ဖဒိုမှူးလွယ်၊ ဗိုလ်စိုးမြင့်တို့ ဖြစ်ကြပြီး အိန္ဒိယ ထောက်လှမ်းရေးတပ်ဖွဲ့က တောတွင်းကို လှည့်ဖျားခေါ်ဆောင်ပြီး သတ်ဖြတ်ခဲ့တယ်လို့ သိရပါတယ်။

ပြီးခဲ့နှစ်ကမှ ပြန်လည် လွတ်မြောက်လာတဲ့ ကျန် တော်လှန်ရေးသမား ၃၄ ယောက်ဟာ ဖမ်းဆီးခံခဲ့ရတဲ့ ၁၃ နှစ်တာ ကာလ အတွင်း နှစ်စဉ် ဖေဖော်ဝါရီလ ၁၁ ရက်နေ့ရောက်တိုင်း ခေါင်းဆောင် ၆ ဦးကို အောက်မေ့ဂုဏ်ပြုတဲ့ အနေနဲ့ ထောင်ထဲမှာ အစာအငတ်ခံကာ ဂုဏ်ပြုခဲ့ကြပြီး အခုလို ဆွေးကျွေးတရားနာပွဲ ပြုလုပ်ရတာ ပထမဆုံးအကြိမ် ဖြစ်တယ်လို့ ခေါင်းဆောင်တဦးဖြစ်တဲ့ ကိုဓညလင်းကပြောပါတယ်။

ဒီလိုအဖြစ်ဆိုးတွေ ရှိခဲ့ပါတယ်ဆိုတာကို နောင်လာနောင်သားတွေ သိစေဖို့၊ မမေ့ဖို့ ကျင်းပပြုလုပ်ခြင်း ဖြစ်တယ်လို့ ကိုဓညလင်းက ဆိုပါတယ်။