လက်ရှိ ဖြစ်ပေါ်နေတဲ့ ဘက်ဂျက် အနေအထား၊ အစိုးရရဲ့ ငွေကြေးသုံးစွဲမှု
အနေအထားအရ ငွေကြေး ဖောင်းပွမှု နည်းသွားနိုင်တဲ့ အတွက် ငွေကြေးလဲလှယ်မှု
နှုန်းထားမှာ အရင်အတိုင်း တစ်ဒေါ်လာ ၈၀၀၊ ၉၀၀၊ ၁၀၀၀ ကျပ် ဆိုတာမျိုး
ဘယ်လိုမှ မဖြစ်နိုင်တော့ဘူးလို့ ဦးခင်မောင်ညို (ဘောဂဗေဒ) က ပြောပါတယ်။
ဘဏ်များကြီးကြပ်ရေး ကော်မတီနှင့် မြန်မာနိုင်ငံ ဘဏ်များအသင်း အမှုဆောင်
အဖွဲ့ရဲ့ အကြိမ် (၁၃၀) မြောက် အစည်းအဝေးမှာ ဘဏ္ဍာရေးနှင့် အခွန် ဝန်ကြီးဌာန
ပြည်ထောင်စုဝန်ကြီး ဦးလှထွန်း ပြောကြားတဲ့ မိန့်ခွန်းကို သုံးသပ်ပြီး ၎င်းက
အဲဒီလို ပြောကြားတာပါ။ အဲဒါအပြင် ဈေးကြိုသတ်မှတ်၊
ကြိုတင်စာချုပ်နဲ့ အလုပ်လုပ်ကိုင်ကြသူတွေအနေနဲ့ ဒေါ်လာ ပေါက်ဈေးနဲ့
ပတ်သက်ပြီး မိမိနဲ့ အလုပ် လုပ်ကိုင်သူရဲ့ ဆက်ဆံရေးပေါ် မူတည်ပြီး
အဆင်ပြေအောင် ညှိနှိုင်း လုပ်ကိုင်သင့်ကြောင်း၊ စာချုပ်ကို ချိုးဖောက်ပြီး
ဂုဏ်သိက္ခာမဲ့ မလုပ်သင့်ကြောင်း အကြံပြုပါတယ်။ မြန်မာနိုင်ငံ
ကွန်ပျူတာလုပ်ငန်းရှင် အသင်းက ကြီးမှူးပြီး “Currency Exchange”
ခေါင်းစဉ်နဲ့ ပြုလုပ်တဲ့ အလုပ်ရုံဆွေးနွေးပွဲမှာ ဦးခင်မောင်ညို (ဘောဂဗေဒ)
ပြောကြားတာ ဖြစ်ပါတယ်။ အဆိုပါ အခမ်းအနားကို ဩဂုတ် ၅ ရက် မနက် ၁၀ နာရီက
မြန်မာ အင်ဖိုတက် ပင်မဆောင် အခန်းအမှတ် ၂၀၅ မှာ ကျင်းပပြုလုပ်ခဲ့တာပါ။
အခမ်းအနားမှာ ဦးခင်မောင်ညို (ဘောဂဗေဒ)နဲ့ တက်ရောက်လာကြသူတွေက စီးပွားရေး
အကြောင်းတရား၊ အစိုးရဘက်ဂျက် ပေါ်လစီ၊ ငွေကြေးမူဝါဒ၊ ဘဏ္ဍာရေး မူဝါဒတွေ အကြောင်း ဟောပြောဆွေးနွေး ခဲ့ကြပါတယ်။
0 comments:
Post a Comment