အမြင်မှန်ရလို့ ရွေးကောက်ပွဲပြန်ဝင်ဖို့ ပြင်ဆင်နေတဲ့ ဒေါ်စုရဲ့ NLD ပါတီဟာ ပါတီဝင်အင်အား (၁၀) သိန်းဖြစ်အောင် ပညာအရည်အချင်းမလို ကြိုက်ရာလူ NLD ပါတီ ၀င်နိုင်တယ်ဆိုပြီး ကြေညာခဲ့ပါတယ်။ ဒါပေမဲ့ NLD ပါတီဝင်ဖို့ လူတွေအနေနဲ့ စိတ်ပါဝင်စားမှု မရှိတာကြောင့် ယခု မြန်မာနိုင်ငံတင်မက ပြည်ပကပါ ပါတီဝင် ၁၀ သိန်းမရရအောင် ခေါ်ဖို့ အင်တာနက်ကနေ လျှောက်လွှာပုံစံတွေ ဖြန့်ဖို့ စီစဉ်နေပါပြီ။
ပါတီဝင်များများ ရဖို့ ပြည်ပက မြန်မာတွေကိုပါ ဒီလိုခေါ်
NLD ရဲ့ ဦးတည်ချက်မရှိ ဈေးရောင်းလိုက်၊ ထမင်းချက်စားလိုက်၊ အနုပညာရှင်တွေနဲ့ တွေ့လိုက်၊ စတိတ်ရှိုးတွေလုပ်လိုက်နဲ့ ဖြစ်ချင်ရာဖြစ်နေတဲ့အပေါ် ပြည်တွင်းက လူအချို့က စိတ်ပျက်နေကြတယ်လို့ သိရပါတယ်။ ရန်ကုန်က ကုန်သည်တစ်ဦးက "NLD ပါတီဝင်မလို့ စဉ်းစားသေးတယ်။ နောက်တော့ ဈေးရောင်းလိုက် ဟိုပွဲဒီပွဲတွေလုပ်လိုက်နဲ့ ကျွန်တော်လည်း စိတ်ပျက်တာနဲ့ မ၀င်ချင်တော့ဘူးဗျ။ တော်ကြာ ကိုယ်ပါ လမ်းဘေးဈေးရောင်း နေရမှာစိုးလို့" ဆိုပြီး NLD ပါတီ မ၀င်ဖြစ်တော့တဲ့ အကြောင်းပြောပါတယ်။ နောက် အဝေးသင်တက်နေတဲ့ ကျောင်းသားတစ်ဦးက " ဗိုလ်ချုပ် သမီးပါတီ ဆိုတော့ အစကတော့ အထင်ကြီးတာပေါ့။ နောက်တော့ဗျာ ဗိုလ်ချုပ်ပုံတွေနဲ့ သူ့ပုံတွေထုတ် ဟိုပစ္စည်းရောင်း ဒီပစ္စည်းရောင်းနဲ့ ပါတီပုံစံနဲ့ မတူတော့ဘူး။ ဈေးဆိုင်နဲ့ တူနေတယ်။ တလောကတော့ ပါတီဝင်တွေ လက်ခံမယ်လို့ ကြားတယ်။ ဒါပေမဲ့ မ၀င်တော့ပါဘူးဗျာ။ " လို့ပြောခဲ့ပါတယ်။ မြောက်ဒဂုံက ဆိုက်ကားသမားတစ်ဦးကတော့ "NLD ပါတီဝင်တွေ ခေါ်မယ်လို့ မိတ်ဆွေတွေပြောတာကြားတယ်။ ကျွန်တော်တော့ ၀င်မယ်ဗျ။ ထမင်းလဲ စားရတယ်ဗျာ။ ခုလို ပင်ပင်ပန်းပန်း ဆိုက်ကားနင်းစရာ မလို တော့ဘူး။ပါတီဝင်ဖြစ်ရင် NLD ကဈေးရောင်းပွဲတွေမှာ အေးအေးဆေးဆေး ဈေးလိုက်ရောင်းယုံပဲ " လို့ NLD ပါတီကို ၀င်ချင်တဲ့ သူ့ရည်ရွယ်ချက်ကိုပြောခဲ့ပါတယ်။
NLD အနေနဲ့ ယခုလို ပြည်သူ့အကျိုးလုပ်ဆောင်နေတာတွေလည်း ရေရေရာရာမရှိ။ ဈေးရောင်းယုံ လောက်နဲ့ သာ အချိန်ကုန်နေတာ ဖြစ်လို့ ပါတီအပေါ် လူစိတ်ဝင်စားမှု လုံးဝမရှိဘဲ ၀င်မယ့်သူ ရှားပါးနေပါတယ်။ ဒါကြောင့်မို့ ပြည်ပကအကြောင်းမသိတဲ့ မြန်မာများကိုပါ ပါတီဝင်အဖြစ် ပါဝင်လာနိုင်ဖို့ လုပ်ဆောင်နေတာဖြစ်ပါလိမ့်မယ်။ NLD အနေနဲ့ တိုင်းပြည်နဲ့ လူမျိုးအကျိုးကို ယနေ့ လွှတ်တော်ထဲက ဒီမိုကရေစီ အင်အားစုတွေလို စွမ်းစွမ်းတမံ ထိထိရောက်ရောက် နိုင်ငံ့အကျိုးကို ထမ်းနိုင်မှ ပါတီဝင်ရဖို့ နိုင်ငံခြားက ခေါ်စရာမလိုဘဲ အလိုလို ၀င်ချင်တဲ့သူတွေ ရှိလာပါလိမ့်မယ်။ ဒီလိုမှ မဟုတ် ထမင်းချက်စားလိုက် ဈေးရောင်းလိုက် လုပ်နေရင်တော့ NLD ပါတီဝင်မယ့်လူတွေဟာ လက်ကြောမတင်း အလကားစားရမနည်း ဆိုတဲ့ အချောင်သမားတွေသာ များနေပါလိမ့်မယ်ဟု ရွှေမြန်မာမှ တင်ပြ လိုက်ရပါတယ်။
Ref : ရွှေမြန်မာ
0 comments:
Post a Comment