ဒီ နေ့ လွှတ်တဲ့အထဲမှာ မပါပေမယ့် ကျန်နေသူတွေအတွက် မျှော်လင့်ချက်တွေ အမျာကြီးရှိသေးတယ်လို့ သမ္မတရဲ့ နိုင်ငံရေးအကြံပေးအဖွဲ့ဝင် ဦးနေဇင်လတ်က ဒီဗွီဘီကိုပြောပါတယ်။
လွတ်ငြိမ်း ချမ်းသာခွင့်တော့ ထွက်လာတယ်။ ဒီနေ့ထွက်လာတဲ့အခါကျတော့ လွတ်လာတဲ့နိုင်ငံရေးသမားတွေက သူတို့ပြောကြတာရှိပါတယ်။ မနေ့ကထိတော့ အိုကေပေါ့။ ဝမ်းသာတယ်။ ဂျာနယ်တွေဖတ်ရတော့လည်း အပြောင်းအလဲတွေ မြင်နေရတယ်။ ဒါပေမယ့် ဒီနေ့သူတို့ကိုယ်တိုင် ထွက်လာပေမယ့် နည်းနေတယ်ဆိုတာမျိုး တွေ့တော့ စိတ်ပျက်တယ်ဆိုတာမျိုး ပြောကြတာရှိပါတယ်။
“သူတို့ကို ကျနော်အားပေးစကားတော့ ပြောချင်ပါတယ်။ တခြားလွှတ်တဲ့အခါမှာ အရေအတွက်နဲ့ ပတ်သက်ပြီးတော့ သိပ်တော့မပြောလိုဘူး။ လွန်ခဲ့တဲ့ ၅ လလောက်တုန်းက ဖြေထားတယ်။ မျှော်လင့်ချက်တွေ အများကြီးရှိပါတယ်လို့ ဖြေထားတယ်။ သင့်တယ်လို့ ယူဆတဲ့အချိန်မှာတော့ ဒါတွေက တခါတည်းနဲ့ ပြတ်သွားတဲ့ကိစ္စမဟုတ်ဘူးလေ။ သူ့ဟာနဲ့သူတော့ မျှော်လင့်လို့ အများကြီးရပါသေးတယ်။”
ဆရာတို့အကြံပေးတဲ့ဆီမှာရော ဘယ်လောက်အတိုင်းအတာထိ အကြံပေးခဲ့ပါသလဲ။
“ကျနော်တို့ က သမ္မတကြီးကို အကြံပေးတာတော့ အတိအကျ ပြောလို့တော့ မရဘူး။ သို့သော်လည်း ယေဘုယျသဘောအရ ပြောမယ်ဆိုရင်တော့ ဒါတွေကတော့ လွှတ်သင့်ပါတယ်ဆိုတဲ့သဘောမျိုးတော့ ပေးထားပါတယ်။ ကျန်တာတော့ ဘယ်လိုလုပ်မလဲဆိုတော့ အကုန်လုံးတော့ မမြင်နိုင်ဘူးပေါ့။ လုံခြုံရေးကိစ္စနဲ့ ပတ်သက်တာ၊ အခြားကိစ္စရပ်တွေနဲ့ ပတ်သက်တာ၊ ကျနော်တို့မှာ အဲဒီ facility မရှိဘူး။ အကုန်လုံးကို ခြုံငုံလုပ်ပြီးတော့ ကြည့်နိုင်တဲ့အမြင်က သူ့ဆီမှာပဲရှိတာကို။ ဒါတွေကတော့ လွှတ်သင့်တယ်လို့တော့ ကျနော်တို့က ပေးထားတယ်။ သို့သော်လည်း ဘယ်အချိန်မှာ လွှတ်မလဲ၊ ဘယ်လောက်လွှတ်မလဲဆိုတာ ကျနော်တို့က ဆုံးဖြတ်ပိုင်ခွင့်မရှိဘူးလေ။”
မျှော်လင့်ချက်ရှိနိုင်သေးသလားလို့ ကျန်တဲ့သူတွေအတွက်ပေါ့။
“ရှိပါတယ်။ အဓိက ကျနော်တို့ သိရတာတော့ သမ္မတကြီးက သူ့ပြည်သူတွေ အများရဲ့ ဆန္ဒကို ဖြည့်ဆည်းပေးချင်တယ်ဆိုတာကို သိရတယ်။ နောက် သင့်တော်တဲ့အချိန်မှာ သူလုပ်သွားပေးဖို့ သူ့စိတ်ထဲမှာလည်း အမြဲတမ်းရှိတယ်။ အဲဒီဟာကို ကြည့်ခြင်းအားဖြင့် အလားအလာ အများကြီးရှိတယ်လို့ပဲ ပြောလို့ရမယ်ပေါ့။”
0 comments:
Post a Comment