ရန်ကုန် (ဂျန်နဝါရီ ၆) - ဗြိတိန်နိုင်ငံခြားရေးနှင့် ဓနသဟာယရေးရာ ၀န်ကြီး Mr. William Hague သည်
ယနေ့ညနေ ၅ နာရီခွဲ အချိန် တွင် ရန်ကုန်မြို့၊ ကမ်းနားလမ်းရှိ British
Council ၌ ယင်း၏ မြန်မာနိုင်ငံ ခရီးစဉ်နှင့် ပတ်သက်သည့်
သတင်းစာရှင်းလင်းပွဲ ပြုလုပ် ခဲ့သည်။ အဆိုပါ သတင်းစာ ရှင်းလင်းပွဲတွင် Mr.
Hague က နိုင်ငံရေးအကျဉ်းသားများကိစ္စ၊
ကြားဖြတ်ရွေးကာက်ပွဲကိစ္စနှင့် နယ်စပ်ဒေသ ငြိမ်းချမ်းရေးကိစ္စများကို
မြန်မာအစိုးရနှင့် ပြောဆိုဆွေးနွေး ခဲ့ကြောင်း ပြောကြားလိုက်သည်။
"ယနေ့တိုင်
ယုံကြည်ချက်ကြောင့် အကျဥ်းကနေသူတွေ ရှိနေပါသေးတယ်။ ဘယ်လိုဒီမိုကရေစီ
နိုင်ငံမျိုးမှာမှ ဒီကိစ္စအတွက် နေရာ မရှိပါဘူး။ အစိုးရကလည်း ကျန်နေသေးတဲ့
နိုင်ငံရေးအကျဉ်းသားတွေကို လွှတ်ပေးဖို့စီစဉ်နေတာသိရလို့ အားတက်မိတယ်။
အမြန်ဆောင်ရွက်လိမ့်မယ်လို့ မျှော်လင့်ပါတယ်။ နောက်တစ်ခုကတော့ ဧပရယ် ၁
ရက်နေ့မှာ ကျင်းပမဲ့ ကြားဖြတ်ရွေးကောက်ပွဲဟာ တရားမျှတပြီးတော့
အားလုံးပါဝင်နိုင်ဖို့ပါပဲ။ ကြားဖြတ်ရွေးကောက်ပွဲကို ၀င်ရောက်ဖို့ NLD က
ရဲရဲဝံ့ဝံ့ ဆုံးဖြတ်ခဲ့တာကိုလည်း ကျွန်တော်တို့ ကြိုဆိုနေသလို
ကမ္ဘာကြီးကလည်း မျက်ခြည်မပြတ် စောင့်ကြည့်နေမှာပါ။ နောက်ဆုံးတစ်ခုကတော့
နယ်စပ်ဒေသတွေ အထူးသဖြင့်ကချင်ပြည်နယ်မှာ ထောင်သောင်းချီတဲ့ ပြည်သူတွေ
အိုးပစ်အိမ်ပစ် ထွက်ပြေးနေရတာတွေ၊ ထိုးစစ်တွေ အဆုံးသတ် သွားဖို့နဲ့
အဲဒီဒေသတွေကိုသွားပြီး လူသားချင်းစာနာထောက်ထားမှု အကူအညီတွေကို
လွတ်လပ်အောင်ပေးဝေနိုင်ဖို့ ကုလသမဂ္ဂကို ခွင့်ပြုပေးဖို့ အရေးတကြီး
လိုနေပါတယ်။ ဒါတွေကိုကျွန်တော် တိုက်တွန်းခဲ့ပါတယ်" ဟု ၀န်ကြီးက
ထုတ်ဖော်ပြောကြား ခဲ့သည်။
ယင်းက
ဆက်လက်ပြီး ယင်း၏ မြန်မာနိုင်ငံ ခရီးစဉ်သည် ဗြိတိန် နိုင်ငံခြားရေးဝန်ကြီး
တစ်ဦးအနေဖြင့် ၅၆ နှစ်တာ ကာလအတွင်း ပထမဆုံးခရီးစဉ်ဖြစ်ကြောင်း၊
ယင်း၏ခရီးစဉ် ဖြစ်ပေါ်လာရခြင်းမှာ နိုင်ငံရေးအကျဉ်းသား ၂၅၀ ကို
လွှတ်ပေးခြင်း၊ သတင်းမီဒီယာနှင့်နိုင်ငံရေးပါတီများအပေါ်
ကန့်သတ်တားဆီးမှုများကို လျှော့ပေးခြင်း၊ ဒေါ်အောင်ဆန်းစုကြည်နှင့်
အမျိုးသားဒီမိုကရေစီ အဖွဲ့ချုပ်တို့နှင့် တွေ့ဆုံဆွေးနွေးခြင်း စသည့်
သမ္မတကြီး၏ ပဏာမ ခြေလှမ်းကြောင့်ဖြစ်ကြောင်း ဆက်လက်ပြောကြားခဲ့သည်။
Ref : http://shwelone.com
0 comments:
Post a Comment