'
အမိမြေ

ဖွဲ့စည်းပုံအခြေခံဥပဒေ ထိပါးသည့်နိုင်ငံရေးပါတီကို ဖျက်သိမ်းသည်အထိ အရေးယူမည်

ဖွဲ့စည်းပုံ အခြေခံ ဥပဒေ ထိပါးလာသည့် နိုင်ငံရေး ပါတီများကို ပါတီဖျောက် သိမ်းသည်အထိ အရေး ယူမည်ဖြစ်ကြောင်း ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက မီဒီယာများမှ တစ်ဆင့် သတိပေး ပြောကြား လိုက်သည်။

" ကျွန်တော့်အနေနဲ့ မပြည့်တဲ့ အိုးဘောင်ဘင် ခတ်တာကို ပြည့်အောင် စိတ်ရှည်ရှည်နဲပ စောင့် ကြည့်နေပါတယ်။ သို့သော် ဖွဲ့စည်းပုံအခြေခံကို ထိပါးလာရင် ဘောင်ဘင် တအားခတ်လို့ အခြားသူတွေကို စဉ်ကုန်ပြီ ဆိုရင်တော့ ကျွန်တော်က သွန်ပစ်လိုက်မယ့် အခြေအနေရှိပါတယ်။ ဒါကိုခင်ဗျားတို့ ကနေတစ်ဆင့် အသိပေးတဲ့သဘောပါ" ဟု ဦးတင်အေးက ပြည်ထောင်စု ရွေးကောက်ပွဲ ကော်မရှင်ရုံး ရုံးခန်းမ၌ ဒီဇင်ဘာ ၁၆ ရက်က မီဒီယာများနှင့် တွေ့ဆုံစဉ် ယင်းသို့ပြောကြားခဲ့သည်။

ပြည်ထောင်စုရွေးကောက်ပွဲ ကော်မရှင်အနေဖြင့် နိုင်ငံကောင်းကျိုးအတွက် ဆောင်ရွက်ခြင်း၊ ဖွဲ့စည်းပုံအခြေခံဥပဒေနှင့်အညီ ဆောင်ရွက်ခြင်းနှင့် ဒိုတာဝန်အရေးသုံးပါးကို အထိပါးမခံခြင်း စသည့် အချက် သုံးချက်ကို အခြေခံထားကာ ဆောင်ရွက်နေသည်ဟု ဆိုသည်။

" ပါတီတွေအနေနဲပ ဥပဒေရေးရာနဲ့ ပတ်သက်ရင် ကျွမ်းကျွမ်းကျင်ကျင် နှံ့နှံ့စပ်စပ်လုပ်ပါ။ သို့သော် အခွန်ကင်းလွတ်တယ်ဆိုတဲ့ ဥပဒေကို ကြည့်ပြီးတော့ လမ်းအသုံးပြုခတောင်းတာတောင် မပေးတဲ့ ပုဂ္ဂိုလ်မျိုးတွေလဲရှိတော့ အတော်ခက်ပါတယ်။ မပြည့်တဲ့အိုး ဘောင်ဘင်ခတ်တာပေါ့" ဟု အဆိုပါပုဂ္ဂိုလ်က ပြောသည်။

ပြည်ထောင်စုရွေးကောက်ပွဲ ကော်မရှင်အနေဖြင့် နိုင်ငံရေးပါတီများကို လွတ်လပ်စွာ လှုပ်ရှား ဆောင်ရွက်စေလိုပြီး ဆောင်ရွက်ခွင့်ပြုထားကြောင်း၊ ပါတီကိစ္စဖြင့် ခရီးထွက်ပါက ကော်မရှင်ထံ သတင်းပို့အ ကြောင်းကြားရန်လည်း မလိုအပ်ကြောင်း ကော်မရှင်ဥက္ကဋ္ဌက ပြောကြားခဲ့သည်။

0 comments:

Post a Comment


Popular Posts