ပြည်ထောင်စုရွေးကောက်ပွဲကော်မရှင်က အမျိုးသားဒီမိုကရေစီအဖွဲ့ချုပ်ပါတီ၏
ပါတီမှတ်ပုံတင်ခွင့်ကို ယနေ့ (ဇန်န၀ါရီ ၅) ရက်စွဲဖြင့် ခွင့်ပြုပေးလိုက်ပြီ
ဖြစ်ကြောင်း NLD မှပြောရေးဆိုခွင့် ရှိသူ ဦးဥာဏ်ဝင်းက 7 Day News
သို့အတည်ပြုပြောကြားသည်။
“ဒီနေ့ရက်စွဲနဲ့ စာနဲ့အကြောင်းကြားလာပါတယ်။ မှတ်ပုံတင်ခွင့်ပြုချက်အမှတ် ၄၇ နဲ့ခွင့်ပြုလိုက်တာပါ”ဟု ဦးဥာဏ်ဝင်း ကပြောကြားသည်။
အမျိုးသားဒီမိုကရေစီ
အဖွဲ့ချုပ်အနေနှင့်ပါတီမှတ်ပုံတင်ခွင့်ပြုချက်ကျပြီဖြစ်သဖြင့်
လာမည့်တနင်္လာနေ့( ဇန်န၀ါရီ ၉ရက်) မှစတင်ကာ ပါတီဝင်ခွင့်ပုံစံများကို
တစ်နိုင်ငံလုံးသို့ ဖြန့်ဝေပေးသွားမည်ဖြစ်ကြောင်းလည်း ဦးဥာဏ်ဝင်းက
ပြောကြားသည်။
အမျိုးသားဒီမိုကရေစီအဖွဲ့ချုပ် အနေနှင့်
ပါတီနှင့်ပတ်သက်သော စာစောင်များ၊လက်ကမ်းစာစောင်များ ထုတ်ဝေသွားနိုင်ရန်
ခွင့်ပြုချက်( နသ) ရရှိရန် စာပေစိစစ်နှင့် မှတ်ပုံတင်ဌာနသို့
ယနေ့ပင်သွားရောက် လျှောက်ထားနေပြီဖြစ်ကြောင်းလည်းသိရသည်။
အမျိုးသားဒီမိုကရေစီအဖွဲ့ချုပ်အနေနှင့်ပါတီမှတ်ပုံတင်ခွင့်ကို၂၀၁၁ခုနှစ်ဒီဇင်ဘာ၂၃ရက်တွင်
နေပြည်တော်ရှိ ပြည်ထောင်စုရွေးကောက် ပွဲကော်မရှင်သို့ သွားရောက်
လျှောက်ထားခဲ့သည်။
0 comments:
Post a Comment